രാജ്യത്ത് ഊര്‍ജ്ജ് പ്രതിസന്ധിയുണ്ടാകില്ല;എല്ലാ സംസ്ഥാനങ്ങള്‍ക്കും ആവശ്യമായ കല്‍ക്കരി എത്തിച്ചു നല്‍കിയിട്ടുണ്ട്; ഊര്‍ജ്ജ ക്ഷാമം ഉണ്ടാകാതിരിക്കുന്നതിനായി മാസങ്ങള്‍ക്ക് മുന്നേ നടപടികള്‍ സ്വീകരിച്ചിട്ടുണ്ടെന്ന് കേന്ദ്ര കല്‍ക്കരി വകുപ്പ് മന്ത്രി പ്രഹ്‌ളാദ് ജോഷി
രാജ്യത്ത് ഊര്‍ജ്ജ് പ്രതിസന്ധിയുണ്ടാകില്ലെന്ന ഉറപ്പുമായി കേന്ദ്ര കല്‍ക്കരി വകുപ്പ് മന്ത്രി പ്രഹ്‌ളാദ് ജോഷി. എല്ലാ സംസ്ഥാനങ്ങള്‍ക്കും ആവശ്യമായ കല്‍ക്കരി എത്തിച്ചു നല്‍കിയിട്ടുണ്ടെന്ന് ചൂണ്ടിക്കാണിച്ച അദ്ദേഹം ഒരു സംസ്ഥാനത്തും ഊര്‍ജ്ജ ക്ഷാമം ഉണ്ടാകാതിരിക്കുന്നതിനായി മാസങ്ങള്‍ക്ക് മുന്നേ നടപടികള്‍ സ്വീകരിച്ചിട്ടുണ്ടെന്നും വ്യക്തമാക്കി.
സംസ്ഥാനങ്ങളിലെ ഊര്‍ജ്ജ പ്രതിസന്ധി അഭിമുഖീകരിക്കാൻ കല്‍ക്കരി നീക്കത്തിന് കൂടുതല്‍ ട്രെയിനുകള്‍ ഓടിക്കാനും കേന്ദ്ര സര്‍ക്കാര്‍ നിര്‍ദ്ദേശം നല്‍കി . സംസ്ഥാനങ്ങള്‍ക്കായി പ്രതിദിനം രണ്ടു ലക്ഷം ടണ്‍ കല്‍ക്കരി നല്‍കുന്നതിനായി അടിയന്തിരമായി കോള്‍ ഇന്ത്യക്ക് സംസ്ഥാനങ്ങള്‍ നല്‍കേണ്ട കുടിശ്ശിക ഉടന്‍ നല്‍കണമെന്നും കേന്ദ്ര സര്‍ക്കാര്‍ അറിയിച്ചു.
ഇന്ത്യയില്‍ ഊര്‍ജ്ജ പ്രതിസന്ധിയുണ്ടാകില്ല. സമീപകാലത്തെ ഊര്‍ജ്ജപ്രതിസന്ധിയെ ഫലപ്രദമായി ഇന്ത്യ നേരിടുകയാണെന്നും 22 ദിവസത്തേക്കുള്ള കല്‍ക്കരി ഇന്ത്യയുടെ കരുതല്‍ ശേഖരത്തിലുണ്ടെന്നും അദ്ദേഹം പറഞ്ഞു.
കനത്ത മഴ ചില പ്രദേശത്തെ തീവണ്ടി ഗതാഗതത്തെ ബാധിച്ചിട്ടുള്ളത് മാറ്റി നിർത്തിയാൽ എല്ലാം സമയബന്ധിതമായി നടക്കുന്നതായും ജോഷി പറഞ്ഞു . കല്‍ക്കരി ഖനനവുമായി ബന്ധപ്പെട്ട് കല്‍ക്കരി മന്ത്രി പ്രഹ്ലാദ് ജോഷിയും ഊര്‍ജ്ജ മന്ത്രി ആര്‍കെ സിങ്ങും കഴിഞ്ഞ ദിവസം പ്രധാനമന്ത്രിയെ കണ്ട് ചര്‍ച്ച നടത്തുകയുണ്ടായി .
https://www.facebook.com/Malayalivartha
