ലാന്‍ഡിങ്ങിനിടെ ഇത്തിഹാദ് വിമാനത്തിന്റെ ടയര്‍ പൊട്ടി. മുംബൈ ഛത്രപതി ശിവജി രാജ്യാന്തര വിമാനത്താവളത്തില്‍ തിങ്കളാഴ്ച രാത്രി ഏഴരയോടെ 209 പേരുമായി വന്നിറങ്ങുമ്പോഴായിരുന്നു അപകടം. ആര്‍ക്കും പരുക്കേറ്റതായി റിപ്പോര്‍ട്ടില്ല.

എ340-642 വിമാനമാണ് അപകടത്തില്‍പ്പെട്ടത്. പ്രധാന റണ്‍വേയുടെ മധ്യത്തില്‍ വിമാനം ഏറെനേരം കുടുങ്ങിയതു വിവിധ സര്‍വീസുകളെ ബാധിച്ചു. രണ്ടാം റണ്‍വേ സജ്ജമാക്കിയാണു പ്രശ്‌നം പരിഹരിച്ചത്. അബുദാബിയില്‍ നിന്നെത്തിയ വിമാനത്തില്‍ 196 യാത്രക്കാരും 13 ജീവനക്കാരുമാണുണ്ടായിരുന്നത്.