എങ്ങും കടക്കൂ പുറത്ത് ഇഫക്ട്. കോണ്‍ഗ്രസ് നടത്തിയ വാര്‍ത്താ സമ്മേളനത്തില്‍ നിന്ന് അര്‍ണാബ് ഗോസ്വാമിയുടെ റിപ്പബ്ലിക്ക് ടിവി ചാനല്‍ പ്രവര്‍ത്തകരെ ഇറക്കി വിട്ടു. ശശി തരൂര്‍ എംപി പങ്കെടുത്ത വാര്‍ത്താ സമ്മേളനത്തില്‍ നിന്നാണ് റിപ്പബ്ലിക്ക് ടിവി ചാനല്‍ പ്രവര്‍ത്തകരെ ഇറക്കി വിട്ടത്.
കോണ്‍ഗ്രസ് സംഘടന കാര്യങ്ങള്‍ വ്യക്തമാക്കുന്നതിന് വേണ്ടി നടത്തിയ വാര്‍ത്താ സമ്മേളനമാണ് നടന്നത്. റിപ്പബ്ലിക്ക് ടിവി ചാനലിനു വേണ്ടി റിപ്പോര്‍ട്ട് ചെയ്യാന്‍ എത്തിയ രണ്ട് വനിതാ റിപ്പോര്‍ട്ടര്‍മാരെയും രണ്ട് ക്യാമറമാന്‍മാരെയുമാണ് പുറത്താക്കിയത്.
ഇതിനെ തുടര്‍ന്ന് റിപ്പബ്ലിക്ക് ടിവി റിപ്പോര്‍ട്ടര്‍മാര്‍ കോണ്‍ഗ്രസ് ആസ്ഥാനത്തിന്റെ ഗേറ്റിന് പുറത്തു നിന്ന് റിപ്പോര്‍ട്ട് ചെയ്തു. റിപ്പബ്ലിക്ക് ടിവി റിപ്പോര്‍ട്ടര്‍മാരോട് വാര്‍ത്താ സമ്മേളനം റിപ്പോര്‍ട്ട് ചെയ്യാന്‍ വരേണ്ടതില്ലെന്ന് അറിയിച്ചിരുന്നതായി കോണ്‍ഗ്രസ് വൃത്തങ്ങള്‍ പ്രതികരിച്ചു.