നിങ്ങള്‍ കന്യകയാണോ? എങ്കില്‍ മാത്രം സര്‍ക്കാര്‍ ജോലി; സര്‍ക്കാര്‍ ഉത്തരവ് വിവാദമാകുന്നു
വിവാദ സര്‍ക്കുലറുമായി ബീഹാര്‍ സര്‍ക്കാര്‍. സര്‍ക്കാര്‍ ജോലി വേണമെങ്കില്‍ ഉദ്യോഗാര്‍ഥികള്‍ കന്യകാത്വം വ്യക്തമാക്കണമെന്ന ബിഹാര്‍ സര്‍ക്കാര്‍ ആശുപത്രിയുടെ ആവശ്യം വിവാദമാകുന്നു. വിവാഹ വിവരങ്ങള്‍ ആവശ്യപ്പെടുന്നത് സാധാരണമാണ്. എന്നാല്‍ ഇതാദ്യമായിട്ടാണ് കന്യകാത്വം വ്യക്തമാക്കാന്‍ ആവശ്യപ്പെട്ടിരിക്കുന്നത്.
ഇന്ദിരാഗാന്ധി മെഡിക്കല്‍ സയന്‍സില്‍ പുതുതായി ജോലിക്കെത്തുന്നവര്‍ക്കായുള്ള അപേക്ഷ ഫോമിലാണ് വിവാദ ആവശ്യം ഉള്‍പ്പെടുത്തിയിരിക്കുന്നത്. ഇതിനു പുറമെ ഉദ്യോഗാര്‍ഥികളുടെ ഭാര്യമാരുടെയും ഭര്‍ത്താക്കന്മാരുടെയും എണ്ണവും പങ്കാളുയുടെ മുന്‍ വിവാഹ വിവരങ്ങളും ഫോമില്‍ ആവശ്യപ്പെട്ടിട്ടുണ്ട്.
അതേസമയം സംഭവത്തില്‍ പുതുതായി അധികാരമേറ്റ ജെഡിയു ബിജെപി സര്‍ക്കാര്‍ പ്രതികരിച്ചിട്ടില്ല. അതേസമയം കേന്ദ്ര സര്‍ക്കാരിന്റെ നിര്‍ദേസ പ്രകാരമാണ് ഇത്തരം ചോദ്യങ്ങള്‍ ഫോമില്‍ ഉള്‍പ്പെടുത്തിയിരിക്കുന്നതെന്ന് ആശുപത്രി മേധാവി മനീഷ് മണ്ഡല്‍ പറഞ്ഞു.
ഇതില്‍ അസ്വാഭാവികത ഇല്ലെന്നും അദ്ദേഹം പറഞ്ഞു.ഫോമിനെതിരെ ഡോക്ടര്‍മാര്‍ ഉള്‍പ്പെടെയുള്ള ഉദ്യോഗാര്‍ഥികള്‍ രംഗത്തെത്തിയിട്ടുണ്ട്. കന്യകാത്വമൊക്കെ എങ്ങനെ വെളിപ്പെടുത്തുമെന്നാണ് ഇവര്‍ ചോദിക്കുന്നത്. ഒരാളുടെ സ്വകാര്യതയിലേക്കുള്ള കടന്നു കയറ്റമാണ് ഇതെന്നും ഇവര്‍ ആരോപിക്കുന്നു. ഫോമിനെതിരെ വനിതാ സംഘടനകളും രംഗത്തെത്തി.
https://www.facebook.com/Malayalivartha
