പശുവിന്റെ പേരില്‍ ആക്രമണം നടത്തുന്ന ഗോരക്ഷകരെ ഇടിച്ച് നിലംപരിശാക്കി ജനക്കൂട്ടം. മഹാരാഷ്ട്രയിലെ അഹമ്മദ്‌നഗറിലാണ് അന്‍പതോളം വരുന്ന ജനക്കൂട്ടം ഗോരക്ഷകരെ കൈകാര്യം. ഷ്രിഗോഡ പൊലീസ് സ്‌റ്റേഷന്‍ പരിധിയിലായിരുന്നു സംഭവം നടന്നത്.

പശുക്കളുമായി പോയ വാഹനം തടഞ്ഞ് ഗോരക്ഷകര്‍ ആക്രമണം നടത്തിയിരുന്നു. ഇതിന് പിന്നാലെയാണ് ഗോരക്ഷകര്‍ക്കും കനത്ത തിരിച്ചടി കിട്ടിയത്. പൊലീസുമൊത്ത് അനധികൃത പശുക്കടത്ത് തടയാന്‍ ശ്രമിച്ച ഗോരക്ഷകര്‍ക്കാണ് ജനക്കൂട്ടത്തിന്റെ ആക്രമണത്തിന് ഇരയാകേണ്ടി വന്നത്.

ആക്രമണത്തെ തുടര്‍ന്ന് വാഹനത്തിന്റെ ഉടമയായ വാഹിദ് ഷെയ്കിനേയും െ്രെഡവര്‍ രാജു ഫത്രുഭായ് ഷെയ്കിനെയും പൊലീസ് അറസ്റ്റ് ചെയ്തു. ശിവശങ്കര്‍ രാജേന്ദ്ര സ്വാമിയെന്നയാളാണ് അധധികൃത പശുക്കടത്തിനെ കുറിച്ച് പൊലീസില്‍ പരാതി നല്‍കിയത്. അഖില ഭാരതീയ കൃഷി ഗോസേവാ സംഘത്തിലെ അംഗമാണ് താനെന്നാണ് ഇയാളുടെ വാദം.