എന്തിനുവേണ്ടിയാണെങ്കിലും സ്വന്തം ഭര്‍ത്താവിനെ വിട്ടുകൊടുക്കുന്നത് സ്വന്തം പ്രാണനെ വിട്ടുകൊടുക്കലാണ് ഭാര്യയ്ക്ക്. എന്നാല്‍ മഴയ്ക്കായി അവള്‍ സ്വന്തം ഭര്‍ത്താവിനെ വിട്ടുകൊടുത്തു. അങ്ങനെ മധ്യപ്രദേശില്‍ ഇന്‍ഡോറില്‍ രണ്ടു പുരുഷന്മാര്‍ തമ്മിലുള്ള അപൂര്‍വ വിവാഹം നടന്നു. 

മഴയുടെ ദേവനായ ഇന്ദ്രനെ പ്രതീതിപ്പെടുത്താനായിരുന്നു ഈ വിവാഹം. ഇന്ദ്രദേവന്റെ അനുഗ്രഹം മഴയായി ലഭിക്കുമെന്നാണ് ഇവരുടെ വിശ്വാസം. പരമ്പരാഗത ഹിന്ദു ആചാരങ്ങളോടെയായിരുന്നു രണ്ടു പുരുഷന്മാര്‍ വിവാഹിതരായത്. ഇരുവരുടെ ഭാര്യമാരും കുട്ടികളും വിവാഹത്തിന് സാക്ഷികളായി കൂടെയുണ്ടായിരുന്നു.

അസാധാരണമായ കാര്യങ്ങള്‍ നടത്തിയാല്‍ ദൈവത്തെ പ്രസാദിപ്പിക്കാം എന്നതാണ് ഇവിടുത്തുകാരുടെ വിശ്വാസം. പാട്ടിന്റെയും നൃത്തത്തിന്റെയും അകമ്പടിയോടെ പരമ്പരാഗത കല്യാണ വസ്ത്രങ്ങള്‍ ധരിച്ചാണ് വരന്മാര്‍ എത്തിയത്. വിവാഹത്തിന് ഹൈന്ദവ പുരോഗിതനാണ് നേതൃത്വം നല്‍കിയത്. വിവാഹ ചടങ്ങുകള്‍ക്കും വിരുന്നിനും ശേഷം വരന്മാര്‍ വീടുകളിലേയ്ക്ക് ഭാര്യന്മാര്‍ക്കൊപ്പം തിരികെ നടന്നു.