ഗാന്ധി ജയന്തിക്ക് രാജസ്ഥാനിലെ സര്‍വകലാശാലകളില്‍ അവധിയില്ല
ഈ വര്‍ഷം ഗാന്ധിജയന്തിക്ക് രാജസ്ഥാനിലെ സര്‍വകലാശാലകളില്‍ അവധി നല്‍കില്ല. രാജസ്ഥാന്‍ ഗവര്‍ണര്‍ കല്യാണ്‍ സിംഗിന്റെ ഓഫീസ് പുറത്തിറക്കിയ 2017 18 വര്‍ഷത്തെ അധ്യയന കലണ്ടറില്‍ ആകെ രേഖപ്പെടുത്തപ്പെട്ടിട്ടുള്ളത് 24 അവധി ദിനങ്ങള്‍ മാത്രമാണ്. ഇതില്‍ ഓക്ടോബര്‍ രണ്ട് പ്രവൃത്തി ദിനമായാണ് രേഖപ്പെടുത്തിയിരിക്കുന്നത്.
ഒക്ടോബര്‍ ഒന്നിന് മുഹറത്തിനും അതേ മാസം 13 മുതല്‍ 21 വരെ ദീപാവലി പ്രമാണിച്ചും അവധി ഉണ്ടായിരിക്കുമെന്നും കലണ്ടറില്‍ വ്യക്തമാക്കിയിട്ടുണ്ട്. ഗുരുനാനാക് ജയന്തി, അംബേദ്ക്കര്‍ ദിനം, മഹാവീര ജയന്തി, മഹാറാണപ്രതാപ് ജയന്തി തുടങ്ങിയ ദിവസങ്ങള്‍ക്കെല്ലാം അവധി നല്‍കിയപ്പോഴാണ് ഗാന്ധി ജയന്തിയെ ഒഴിവാക്കിയത്.
സംസ്ഥാനത്തെ 12 സര്‍വകലാശാലകള്‍ക്ക് ഇതിനോടകം അധ്യയന കലണ്ടര്‍ നല്‍കുകയും ഇതില്‍ ചില സര്‍വകലാശാലകള്‍ കലണ്ടര്‍ പ്രകാരമുള്ള അധ്യയന പ്രവര്‍ത്തനങ്ങള്‍ ആരംഭിക്കുകയും ചെയ്തിട്ടുണ്ട്. മറ്റ് സര്‍വകലാശാലകളും ഇത് പിന്തുടരാനാണ് തീരുമാനിച്ചിരിക്കുന്നതെന്നാണ് വിവരങ്ങള്‍
https://www.facebook.com/Malayalivartha
