കലക്ടറുടെ ഉത്തരവ് ലംഘിച്ച് പാലക്കാട് സ്കൂളില് ഭാഗവത് പതാക ഉയര്ത്തി
കലക്ടറുടെ ഉത്തരവ് ലംഘിച്ച് ആര്.എസ്.എസ് അധ്യക്ഷന് മോഹന് ഭാഗവത് പലക്കാട് സ്കൂളില് ദേശീയ പതാക ഉയര്ത്തി. എയ്ഡഡ് സ്കൂളുകളില് രാഷ്ട്രീയ നേതാക്കള് സ്വാതന്ത്ര്യപതാക ഉയര്ത്തുന്നത് ചട്ടലംഘനമാണെന്ന് കാണിച്ച് ജില്ലാ കളക്ടര് ഭാഗവതിനെ വിലക്കിയിരുന്നു. ഇത് മറികടന്നാണ് പാലക്കാട് മുത്താംന്തറ കര്ണകിയമ്മന് സ്കൂളില് രാജ്യത്തിന്റെ എഴുപതാം സ്വാതന്ത്ര്യദിനം പ്രമാണിച്ച് ആര്.എസ്.എസ് അധ്യക്ഷന് ദേശീയപതാക ഉയര്ത്തിയത്.
ജനപ്രതിനിധികള്ക്കോ പ്രധാന അധ്യാപകനോ പതാക ഉയര്ത്താമെന്നും രാഷ്ട്രീയ നേതാക്കളെ എയ്ഡഡ് സ്കൂളില് പതാക ഉയര്ത്താന് ചട്ടങ്ങള് അനുവദിക്കുന്നില്ലെന്നുമായിരുന്നു കളക്ടര് വ്യക്തമാക്കിയിരുന്നത്. ഇക്കാര്യം ചൂണ്ടിക്കാണിച്ച് സ്കൂള് അധികൃതര്ക്കും എസ്.പിക്കും ആര്.എസ്.എസ് നേതൃത്വത്തിനും കലക്ടര് നോട്ടീസ് നല്കിയിരുന്നു. എന്നാല് മോഹന്ഭാഗവത് തന്നെ സ്കൂളില് ദേശീയ പതാക ഉയര്ത്തുമെന്ന് ബി.ജെ.പി വ്യക്തമാക്കിയിരുന്നു.
https://www.facebook.com/Malayalivartha
