കാശ്മീരിലടക്കം നിരവധി ഭീകരാക്രമണങ്ങള്‍ക്ക് പിറകില്‍ പ്രവര്‍ത്തിച്ച പാകിസ്ഥാനി ഭീകരസംഘടന, ഹിസ്ബുല്‍ മുജാഹിദ്ദീനെ അമേരിക്ക ഭീകര സംഘടനായി പ്രഖ്യാപിച്ചു
കാശ്മീരിലടക്കം നിരവധി ഭീകരാക്രമണങ്ങള്‍ക്ക് പിറകില്‍ പ്രവര്‍ത്തിച്ച പാകിസ്ഥാനി ഭീകരസംഘടന, ഹിസ്ബുല്‍ മുജാഹിദ്ദീനെ അമേരിക്ക ഭീകര സംഘടനായി പ്രഖ്യാപിച്ചു. 1989 ല്‍ രൂപവത്കരിക്കപ്പെട്ട ഹിസ്ബുള്‍ മുജാഹിദ്ദീന്‍ കാശ്മീരില്‍ പ്രവര്‍ത്തിക്കുന്ന ഏറ്റവും വലിയ ഭീകര സംഘടനയാണെന്ന് അമേരിക്കന്‍ ട്രഷറി വകുപ്പ് പുറത്തിറക്കിയ പ്രസ്താവനയില്‍ പറയുന്നു.
അമേരിക്കന്‍ പൗരന്മാര്‍ ഹിസ്ബുല്‍ മുജാഹിദ്ദീനുമായി ഏതെങ്കിലും തരത്തിലുള്ള പണമിടപാട് നടത്തുമെങ്കില്‍ അത് തടയുമെന്നും വകുപ്പിന്റെ വെബ്‌സൈറ്റില്‍ പ്രദര്‍ശിപ്പിച്ച നോട്ടീസില്‍ പറയുന്നു. ഇത് കൂടാതെ ഭീകര സംഘടനയ്ക്ക് അമേരിക്കയിലുള്ള എല്ലാ ഇടപാടുകളും മരവിപ്പിക്കുമെന്നും വകുപ്പ് അറിയിച്ചു.
അമേരിക്ക ഇതിനോടകം തന്നെ ആഗോള ഭീകര പട്ടികയില്‍ ഉള്‍പ്പെടുത്തിയ സയിദ് സലാഹുദീന്‍ എന്നറിയപ്പെടുന്ന മുഹമ്മദ് യൂസഫ് ഷായാണ് ഭീകര സംഘടനയ്ക്ക് നേതൃത്വം നല്‍കുന്നത്. കാശ്മീരില്‍ നിരവധി പേരുടെ മരണത്തിനിടയാക്കിയ പല ഭീകരാക്രമണങ്ങളും ഹിസ്ബുല്‍ മുജാഹിദ്ദീന്‍ ഏറ്റെടുത്തിട്ടുണ്ട്.
https://www.facebook.com/Malayalivartha
