വിദ്യാര്‍ത്ഥികളുടെ മുന്നില്‍വെച്ച് യുവാവ് അധ്യാപികയെ മണ്ണെണ്ണ ഒഴിച്ച് തീകൊളുത്തി; ഞെട്ടല്‍ വിട്ടുമാറാതെ വിദ്യാര്‍ത്ഥികള്‍
അധ്യാപികയെ വിദ്യാർത്ഥികളുടെ മുന്നിൽ യുവാവ് മണ്ണെണ്ണയൊഴിച്ചു തീകൊളുത്തി. ബംഗളുരുവില്‍ നിന്നും 55 കിലോമീറ്റര്‍ അകലെ മഗാഡി താലൂക്കിലെ ഷംബെയ്‌നാപല്യയിലാണ് സംഭവം
അഞ്ചാം ക്ലാസ് വിദ്യാര്‍ത്ഥികള്‍ക്ക് സുനന്ദ സാമൂഹ്യശാസ്ത്രം ക്ലാസ് എടുത്തുകൊണ്ടിരിക്കുമ്പോഴായിരുന്നു സംഭവം ഉണ്ടായത്. ഏകദേശം രണ്ട് മണിയോടെ യുവാവ് ക്ലാസിലേക്ക് കയറിവന്ന് സുനന്ദയോട് ദേഷ്യപ്പെടുകയായിരുന്നു. തുടര്‍ന്ന് സുനന്ദ യുവാവിനോട് ക്ലാസിന് പുറത്തേക്ക് പോകാന്‍ ആവശ്യപ്പെട്ടപ്പോള്‍ ഒരു കുപ്പി തുറന്ന് മണ്ണെണ്ണ ഒഴിച്ചശേഷം തീ കൊളുത്തുകയായിരുന്നു.
അധ്യാപികയായ കെജി സുനന്ദനയാണ് (50) അപകടത്തിന് ഇരയായത്. സുനന്ദയുടെ ബിസിനസ് പാർട്ണർ ആണത്രേ പ്രതിയായ യുവാവ്. സംഭവത്തെ തുടര്‍ന്ന് ഭയപ്പെട്ട കുട്ടികള്‍ ക്ലാസില്‍ നിന്ന് ഇറങ്ങി ഓടുകയും അധ്യാപകരെ വിവരമറിയിക്കുകയായിരുന്നു. തുടര്‍ന്ന് അധ്യാപകര്‍ എത്തിയാണ് സുനന്ദയെ ആശുപത്രിയില്‍ പ്രവേശിപ്പിച്ചത്. സുനന്ദക്ക് 50 ശതമാനത്തിലധികം പൊള്ളലുണ്ടെന്ന് ഡോക്ടർമാർ പറഞ്ഞു.
https://www.facebook.com/Malayalivartha
