സോഷ്യൽ മീഡിയയിലൂടെ പരിചയപ്പെട്ട് സുഹൃത്തുക്കളാകുകയും പിന്നീട് ആ സൗഹൃദം വളർന്ന് പ്രണയം തളിർക്കുന്നതും ചെയ്യുന്നത് ഇന്ന് സാധാരണ സംഭവമാണ്. സോഷ്യൽ മീഡിയയിലൂടെ പ്രണയിച്ച് ഒളിച്ചോടുന്നവരുടെ എണ്ണം ഏറിവരുന്നു. ഇതിലൂടെയുള്ള പ്രണയം മിക്കവാറും പാളിപ്പോവുകയാണ് ചെയ്യാറ്. ഇപ്പോഴിതാ സോഷ്യൽ മീഡിയ വഴിയുള്ള ഒളിച്ചോട്ടത്തിന് ഒരു ഇര കൂടി.

ഒരു സ്വകാര്യ കോളേജിലെ എംടെക്ക് വിദ്യാര്‍ത്ഥി ഹേമന്തും രണ്ടാം വര്‍ഷ ബിരുദവിദ്യാര്‍ത്ഥിനി വർഷയും പരിചയപ്പെടുന്നത് ഫേസ്ബുക്കിലൂടെയാണ്. ആദ്യം സുഹൃത്തുക്കളായിരുന്ന ഇരുവരും പിന്നീട് പ്രണയത്തിലായി. ഒടുവിൽ നാലുമാസം മുമ്പ് ഇരുവരും ഒളിച്ചോടുകയും ചെയ്തു. വിവാഹം കഴിഞ്ഞശേഷം രണ്ടുപേരും വീട്ടുകാരുമായി അകന്നുതാമസിക്കുകയായിരുന്നു. എന്നാൽ വീട്ടിനുള്ളിലെ ഫാനില്‍ കെട്ടി തൂങ്ങിയനിലയിലാണ് വീട്ടുകാർ 20 കാരിയായ വർഷയെ കാണുന്നത്. ഉത്തര്‍പ്രദേശിലെ മീററ്റിലാണു സംഭവം.

സ്ത്രീധനം നല്‍കാന്‍ വീട്ടുകരില്‍ സമ്മര്‍ദ്ദം ചൊലുത്താന്‍ വര്‍ഷയെ ഹേമന്ദ് നിര്‍ബന്ധിച്ചിരുന്നുവെന്നും മരിക്കുന്നതിനു മുമ്പ് ഹേമന്ദും സുഹൃത്തുക്കളും വര്‍ഷയെ കൂട്ടമാനഭംഗത്തിന് ഇരയാക്കിരുന്നുവെന്നും പറയുന്നു. വീട്ടുകാരുടെ പരാതിയില്‍ ഹേമന്ദിനും മൂന്നു സുഹൃത്തുക്കള്‍ക്കും എതിരെ പോലീസ് കേസ് എടുത്തിട്ടുണ്ട്.