ജയ് ഷായുടെ വാര്ത്ത പുറത്തുവിട്ട സംഭവം: ഉത്തരവിനെതിരെ മേല്ക്കോടതിയെ സമീപിക്കുമെന്ന് ഓണ്ലൈന് വാര്ത്താ പോര്ട്ടലായ ദി വയര്
താല്ക്കാലിക വിലക്കേര്പ്പെടുത്തിയ അഹമ്മദാബാദ് കോടതി ഉത്തരവിനെതിരെ മേല്ക്കോടതിയെ സമീപിക്കുമെന്ന് ഓണ്ലൈന് വാര്ത്താ പോര്ട്ടലായ ദി വയര്. വാര്ത്താകുറിപ്പിലാണ് ദി വയര് ഇക്കാര്യം അറിയിച്ചത്. ബിജെപി ദേശീയ അധ്യക്ഷന് അമിത് ഷായുടെ മകന് ജയ് ഷായുടെ സ്വത്തു സമ്പാദനം സംബന്ധിച്ച വാര്ത്ത പുറത്തുവിട്ട സംഭവത്തിലാണ് ദി വയറിന് കോടതി വിലക്കേര്പ്പെടുത്തിയത്. ജയ് ഷായുടെ മാനനഷ്ടക്കേസ് പരിഗണിക്കുന്നതിന് ഇടയിലായിരുന്നു നടപടി. അമിത് ഷായുടെ മകന്റെ സ്വത്തുമായി ബന്ധപ്പെട്ട വാര്ത്തകള് പ്രസിദ്ധീകരിക്കരുതെന്നാണ് കോടതി നിര്ദേശം.
തങ്ങള്ക്ക് നോട്ടീസ് നല്കുകയോ വാദമുഖങ്ങള് അവതരിപ്പിക്കാന് സമയം നല്കുകയോ ചെയ്തിട്ടില്ല. ജയ് ഷായുടെ അഭിഭാഷകന്റെ മാത്രം വാദത്തിന്റെ അ ടിസ്ഥാനത്തിലാണ് വിധി. ഇതിനെതിരെ മേല്ക്കോടതിയെ സമീപിക്കുമെന്ന് ദി വയര് അധികൃതര് വ്യക്തമാക്കി. എന്നാല് ജയ് ഷാ നല്കിയ മാനനഷ്ട കേസ് പരി ഗണിക്കുന്നത് കോടതി മാറ്റിവെച്ചു.
ജയ് ഷാ നല്കിയ മാനനഷ്ടക്കേസില് അന്തിമ വിധി ഉണ്ട ാകുന്നത് വരെ ദി വയര് പ്രസിദ്ദീകരിച്ച ജയ്ഷായുടെ സ്വത്ത് വിവരം സംബന്ധിച്ച വാര്ത്തയുടെ പേരില് തുടര്വാര്ത്തകള് അച്ചടി, ദൃശ്യ, ഡിജിറ്റല് രൂപത്തിലോ അഭിമുഖമോ ടിവി ചര്ച്ചയോ ഡിബേറ്റോ ഒരു ഭാഷയിലും ദി വയര് സംപ്രേക്ഷണം ചെ യ്യാനോ അച്ചടിക്കാനോ പാടില്ലെന്നാണ് അഹമ്മദാബാദ് കോടതി ഉത്തരവിട്ടത്.ഗുജറാത്ത് നിയമസഭാതെരഞ്ഞെടുപ്പിലെ ബിജെപി ജയത്തിന് പിന്നാലെ ജയ് ഷായുടെ കമ്പനിയ്ക്ക് 16,000 ഇരട്ടി ലാഭമുണ്ടായതായാണ് വാര്ത്ത വന്നത്. വാ ര്ത്ത പുറത്തുവിട്ട ദി വയര് ഓണ്ലൈന് മാധ്യമത്തിനെതിരെ ജയ് ഷാ 100 കോടി രൂപയുടെ അപകീര്ത്തി കേസ് കൊടുക്കുകയും ചെയ്തു
https://www.facebook.com/Malayalivartha
