സാമൂഹ്യക്ഷേമ പദ്ധതികൾക്ക് ആധാർ നിർബന്ധമാക്കുന്നത് 2018 മാർച്ച് 31 വരെ നീട്ടി. സുപ്രീം കോടതി ഇതു സംബന്ധിച്ച കേസ് പരിഗണിക്കവേയാണ് കേന്ദ്രസർക്കാർ നിലപാട് വ്യക്തമാക്കിയത്. ആധാർ ഇല്ലാത്തവർക്ക് ആനുകൂല്യങ്ങൾ നിഷേധിക്കപ്പെടില്ലെന്നും കേന്ദ്രസർക്കാർ കോടതിയെ അറിയിച്ചു.

അതേസമയം ബാങ്ക് അക്കൗണ്ടുമായി ആധാർ ബന്ധിപ്പിക്കാൻ സമയം നീട്ടി നൽകുമോയെന്ന് കോടതി ചോദിച്ചു. ഇക്കാര്യത്തിൽ തിങ്കളാഴ്ച നിലപാട് അറിയിക്കാമെന്നും കേന്ദ്രസർക്കാർ കോടതിയെ അറിയിച്ചു. വിവിധ സേവനങ്ങൾക്ക് ആധാർ നിർബന്ധമാക്കിയതിനെതിരായ എല്ലാ ഹർജികളും ഒക്ടോബർ 30ന് കോടതി പരിഗണിക്കും.