വസുന്ധര രാജെ സര്ക്കാര് കൊണ്ടുവന്ന വിവാദ ഓര്ഡിനന്സിനെതിരായ പരാതിയില് രാജസ്ഥാന് ഹൈക്കോടതി കേന്ദ്ര സംസ്ഥാന സര്ക്കാറുകള്ക്ക് നോട്ടീസ് അയച്ചു, വാദം നവംബര് 27ന്
രാജസ്ഥാനിലെ വസുന്ധര രാജെ സര്ക്കാര് കൊണ്ടുവന്ന വിവാദ ഓര്ഡിനന്സിനെതിരായ പരാതിയില് രാജസ്ഥാന് ഹൈക്കോടതി കേന്ദ്ര സംസ്ഥാന സര്ക്കാറുകള്ക്ക് നോട്ടീസ് അയച്ചു. പരാതിയില് നവംബര് 27ന് വാദം കേള്ക്കും. മന്ത്രിമാര്ക്കും സര്ക്കാര് ഉദ്യോഗസ്ഥര്ക്കുമെതിരായ അഴിമതി ആരോപണങ്ങളില് നിയമ നടപടി സ്വീകരിക്കാന് കോടതി സര്ക്കാറിന്റെ അനുവാദം വാങ്ങണമെന്ന് നിഷ്കര്ഷിക്കുന്നതാണ് ഓര്ഡിനന്സ്. ആരോപണ വിധേയരുടെ പേരുകള് പരാമര്ശിക്കുന്ന മാധ്യമപ്രവര്ത്തകര്ക്കെതിരെ രണ്ടു വര്ഷം തടവ് ശിക്ഷ ലഭിക്കുന്ന കുറ്റം ചുമത്താമെന്നും ഓര്ഡിനന്സില് പറയുന്നു.
ഓര്ഡിനന്സിനെതിരെ പ്രതിപക്ഷത്തുനിന്നും ഭരണപക്ഷത്തുനിന്നും വ്യാപകമായ പരാതികള് ഉയര്ന്നിരുന്നു. ചിലര് ഓര്ഡിനന്സ് റദ്ദാക്കണമെന്നാവശ്യപ്പെട്ട് കോടതിയേയും സമീപിച്ചിരുന്നു. മാധ്യമപ്രവര്ത്തകര്ക്കെതിരായ നടപടിയെ കുറിച്ച് രൂക്ഷ വിമര്ശനമുയര്ന്ന സാഹചര്യത്തില് ആ ഭാഗം പുനഃപരിശോധിക്കുന്നതിനായി നിലവില് ഓര്ഡിനന്സ് സെലക്ട് കമ്മിറ്റിക്ക് മുമ്പാകെ സമര്പ്പിച്ചിരിക്കുകയാണ്.
https://www.facebook.com/Malayalivartha
