മാ​ധ്യ​മ​പ്ര​വ​ർ​ത്ത​ക​നെ അസഭ്യം പറയുകയും കൈയേറ്റം ചെയ്യുകയും ചെയ്ത സംഭവത്തിൽ പോ​ലീ​സ് കമ്മീഷണർ പ​ര​സ്യ​മാ​യി മാ​പ്പു ചോ​ദി​ച്ചു. യേ​സ് പ​ഞ്ചാ​ബ് ഡോ​ട്ട് കോ​മി​ന്‍റെ സീ​നി​യ​ർ എ​ഡി​റ്റ​ർ എ​ച്ച്.​എ​സ്.​ബ​വ​യോ​ടാ​ണ് ജ​ല​ന്ധ​ർ പോ​ലീ​സ് കമ്മീഷണർ പ്ര​വീ​ണ്‍ കു​മാ​ർ മാ​പ്പു​ചോ​ദി​ച്ച​ത്.

മു​തി​ർ​ന്ന പ​ത്ര​പ്ര​വ​ർ​ത്ത​ക​രു​ടെ​യും ഫോ​ട്ടോ​ഗ്രാ​ഫ​ർ​മാ​രു​ടെ​യും മുൻപിൽവച്ചാണ് കമ്മീഷണർ മാപ്പ് പറഞ്ഞത്. ഇന്നലെ പ​ഞ്ചാ​ബ് മു​ഖ്യ​മ​ന്ത്രി അ​മ​രീ​ന്ദ​ർ സിം​ഗി​ന്‍റെ പ​ത്ര​സ​മ്മേ​ള​ന​ത്തി​നു​ശേ​ഷ​മാ​യി​രു​ന്നു സം​ഭ​വം ഉണ്ടായത്. മു​ഖ്യ​മ​ന്ത്രി​യു​ടെ സു​ര​ക്ഷ​യു​ടെ ചു​ത​ല​യു​ള്ള ഒ​രു ഉ​ദ്യോ​ഗ​സ്ഥ​നും കമ്മീഷണർ ചേ​ർ​ന്ന് ബ​വ​യെ കൈ​കാ​ര്യം ചെ​യ്യു​ക​യും അ​സ​ഭ്യം പ​റ​യു​ക​യു​മാ​യി​രു​ന്നു.

ഇ​ത് വി​വാ​ദ​മാ​യ​തോ​ടെ​യാ​ണ് കമ്മീഷണർ മാ​പ്പു​പ​റ​യാ​ൻ ത​യാ​റാ​യ​ത്. അ​തേ​സ​മ​യം, ബ​വ​യെ കൈ​യേ​റ്റം ചെ​യ്ത മു​ഖ്യ​മ​ന്ത്രി​യു​ടെ സു​ര​ക്ഷാ ഉ​ദ്യോ​ഗ​സ്ഥ​നെ​തി​രേ ന​ട​പ​ടി വേ​ണ​മെ​ന്നും മാ​ധ്യ​മ​പ്ര​വ​ർ​ത്ത​ക​രു​ടെ സം​ഘ​ട​ന ആ​വ​ശ്യപ്പെട്ടിട്ടുണ്ട്.