തൂക്കുപാലത്തില് നിന്ന് സെല്ഫി എടുക്കുന്നതിനിടെ പുഴയില് വീണ് രണ്ട് യുവതികള് മരിച്ചു
28 OCTOBER 2017 11:12 AM IST
മലയാളി വാര്ത്ത
തൂക്കുപാലത്തില് നിന്ന് സെല്ഫി എടുക്കുന്നതിനിടെ പുഴയില് വീണ് രണ്ട് യുവതികള് മരിച്ചു. ഒഡീഷ രായഗഡ ജില്ലയിലെ നാഗബലി പുഴയിലെ തൂക്കുപാലത്തില് നിന്നും ചിത്രമെടുക്കുമ്പോഴായിരുന്നു അപകടമുണ്ടായത്.
ആന്ധ്ര സ്വദേശി ഇ. ജ്യോതി (27) വിസിയനഗരം സ്വദേശി എസ്. ശ്രീദേവി (23) എന്നിവരാണ് മുങ്ങി മരിച്ചത്. പാറയെ പിന്നിലാക്കി ദൃശ്യങ്ങള് പകര്ത്തവെ കാല് വഴുതി വെള്ളത്തില് വീഴുകയായിരുന്നു. ആ സമയത്ത് പുഴയില് നിറയെ വെള്ളവും നല്ല ഒഴുക്കുമുണ്ടായിരുന്നതിനാല് രക്ഷാപ്രവര്ത്തനവും പാടുപെട്ടുവെന്ന് രായഗഡ പോലീസ് ഇന്സ്പെക്ടര് ഇന്ചാര് ആര്.കെ. പത്രോ പറഞ്ഞു. നാട്ടുകാരും അഗ്നിശമനസേന പ്രവര്ത്തകരും കൂടിയാണ് മൃതദേഹങ്ങള് കരയ്ക്കേത്തിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
