രാഷ്ട്രീയ പാര്ട്ടികളില് ഉള്പ്പാര്ട്ടി ജനാധിപത്യം വര്ദ്ധിക്കേണ്ടതുണ്ടെന്ന് മോദി, പാര്ട്ടികളിലേക്ക് പ്രവര്ത്തകരെ എടുക്കുമ്പോള് കൂടുതല് സുതാര്യത ആവശ്യമാണ്, സ്വച്ഛ് ഭാരത് അഭിയാന് മാധ്യമങ്ങള് നല്കിയ പിന്തുണയ്ക്ക് നന്ദി പറയാനും മോദി മറന്നില്ല
രാഷ്ട്രീയ പാര്ട്ടികളില് ഉള്പ്പാര്ട്ടി ജനാധിപത്യം വര്ദ്ധിക്കേണ്ടതുണ്ടെന്ന് പ്രധാനമന്ത്രി നരേന്ദ്രമോദി. രാഷ്ട്രീയ പാര്ട്ടികളിലേക്ക് പ്രവര്ത്തകരെ എടുക്കുമ്പോള് കൂടുതല് സുതാര്യത ആവശ്യമാണെന്നും പ്രധാനമന്ത്രി പറഞ്ഞു. ബിജെപി കേന്ദ്രആസ്ഥാനത്ത് മാധ്യമ പ്രവര്ത്തകര്ക്കായി നടത്തിയ ദീപാവലി മിലന് സമാരോഹ് പരിപാടിയില് സംസാരിക്കുകയായിരുന്നു പ്രധാനമന്ത്രി.
സ്വച്ഛ് ഭാരത് അഭിയാന് മാധ്യമങ്ങള് നല്കിയ പിന്തുണയ്ക്ക് നന്ദി പറഞ്ഞ പ്രധാനമന്ത്രി എല്ലാ മാധ്യമ പ്രവര്ത്തകരുമായും കൂടിക്കാഴ്ചയും നടത്തി. പരിപാടിയില് പങ്കെടുത്ത മാധ്യമ പ്രവര്ത്തകരുമായി വര്ഷങ്ങള് പഴക്കമുള്ള ബന്ധം പുതുക്കിയ പ്രധാനമന്ത്രി കാലം മാറുമ്പോള് കൂടിക്കാഴ്ചകള്ക്ക് ദൈര്ഘ്യം കൂടുന്നതായും പറഞ്ഞു. കാണാനും സംസാരിക്കാനുമുള്ള അവസരങ്ങള് കുറഞ്ഞെന്ന പരാതിയാണ് മാധ്യമ പ്രവര്ത്തകര് എപ്പോഴും ഉന്നയിക്കാറുള്ളത്. എന്നാല് മാധ്യമങ്ങളെ കാണാനായി നിരന്തരം താന് കാത്തു നിന്നിരുന്നതായും അപ്പോള് നിങ്ങളായിരുന്നു കാണാതെ പോയിരുന്നത് എന്നും മോദി പറഞ്ഞു.
ക്യാമറയും പേനയും കടലാസുമില്ലാതെ മാധ്യമ സുഹൃത്തുക്കളെ കാണാന് സാധിക്കുന്നത് ഏറെ പ്രീയപ്പെട്ട കാര്യമാണ്. സുദീര്ഘമായ ബന്ധമാണ് മാധ്യമങ്ങളോടുള്ളതെന്നും രാജ്യത്തിന്റെ മുന്നോട്ടുള്ള പ്രയാണമെന്ന ഏകലക്ഷ്യമാണ് നമുക്കിടയിലെ യോജിപ്പെന്നും പ്രധാനമന്ത്രി പറഞ്ഞു. ബിജെപി ദേശീയ അധ്യക്ഷന് അമിത് ഷാ, കേന്ദ്രമന്ത്രിമാരായ നിര്മ്മലാ സീതാരാമന്, സ്മൃതി ഇറാനി, മുഖ്താര് അബ്ബാസ് നഖ്വി, സംഘടനാ ജനറല് സെക്രട്ടറി രാംലാല് എന്നിവരും ദീപാവലി മിലനില് പങ്കെടുത്തു.
https://www.facebook.com/Malayalivartha
