ച​രി​ത്ര​ത്തെ വ​ള​ച്ചൊ​ടി​ച്ചു തി​രു​ത്തി​യെ​ഴു​താ​ൻ ശ്ര​മി​ക്കു​ന്ന​വ​രു​ടെ​യും സ്വ​ത​ന്ത്ര ആ​ശ​യ​ങ്ങ​ളെ ഞെ​രി​ച്ച​മ​ർ​ത്തു​ന്ന​വ​രു​ടെ​യും കൈ​ക​ളി​ലാ​ണ് ഇ​ന്ന് ഇ​ന്ത്യ​യു​ടെ പൈ​തൃ​ക​മെ​ന്ന് കോ​ണ്‍​ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി.

30-ാം ഇ​ന്ദി​രാ​ഗാ​ന്ധി പു​ര​സ്കാ​ര ദാ​ന ച​ട​ങ്ങി​ൽ സംസാരിക്കുകയായിരുന്നു അവർ. ഇ​ടു​ങ്ങി​യ ദേ​ശീ​യ​ത​യു​ടെ അ​ടി​സ്ഥാ​ന​ത്തി​ൽ ഇ​ന്ത്യ വി​ഭ​ജി​ക്ക​പ്പെ​ട്ടു​കൊ​ണ്ടി​രി​ക്കു​ക​യാ​ണെ​ന്നും സ്വതന്ത്രവും നീ​തി​പൂ​ർ​വ​ക​വു​മാ​യ ഇ​ന്ത്യ​ൻ ധാ​ർ​മി​ക​ത ഇ​പ്പോ​ൾ ത​ള്ള​പ്പെ​ടു​ക​യാ​ണെ​ന്നും അ​ന്ധ​കാ​ര​ത്തി​ന്‍റെ ശ​ക്തി​ക​ൾ ഇ​തി​നെ പ്രോ​ത്സാ​ഹി​പ്പി​ക്കു​ക​യാ​ണെ​ന്നും സോ​ണി​യ കു​റ്റ​പ്പെ​ടു​ത്തി.

ഇ​ന്ദി​രാ ഗാ​ന്ധി സ്വ​പ്നം ക​ണ്ട​തും പോ​രാ​ട്ടം ന​ട​ത്തി​യ​തു​മാ​യ ഇ​ന്ത്യ, വ​ള​രു​ന്ന അ​സ​ഹി​ഷ്ണു​ത​യു​ടെ ഇ​ന്ന​ത്തെ കാ​ല​ത്ത് ചോ​ദ്യ​ചി​ഹ്ന​മാ​ണെ​ന്നും അ​വ​ർ മു​ന്നോ​ട്ടു​വ​ച്ച അ​ഖ​ണ്ഡ ഭാ​ര​തം എ​ന്ന അ​മൂ​ല്യ ആ​ശ​യം ഇ​ന്ന​ത്തെ കാ​ല​ത്തേ​ക്കാ​ൻ കൂ​ടു​ത​ൽ മ​റ്റൊ​രു കാ​ല​ത്തും ആ​വ​ശ്യ​മാ​യി വ​ന്നി​ട്ടി​ല്ലെ​ന്നും സോ​ണി​യ പ​റ​ഞ്ഞു.

സോ​ണി​യ ഗാ​ന്ധി​യു​ടെ അ​ഭാ​വ​ത്തി​ൽ കോ​ണ്‍​ഗ്ര​സ് ഉ​പാ​ധ്യ​ക്ഷ​ൻ രാ​ഹു​ൽ ഗാ​ന്ധി​യാ​ണ് ച​ട​ങ്ങി​ൽ അ​വ​രു​ടെ സ​ന്ദേ​ശം വാ​യി​ച്ച​ത്.