തമിഴ്നാട്ടില് കനത്ത മഴ തുടരുന്നു, റോഡിനോടു ചേര്ന്നുള്ള വീടുകളെല്ലാം വെള്ളത്തിനടിയിലായി
കഴിഞ്ഞ ദിവസം ആരംഭിച്ച മഴ തമിഴ്നാട്ടില് ഇപ്പോഴും ശക്തമായി തുടരുകയാണ്. റോഡിനോട് ചേര്ന്നുള്ള വീടുകളിലെല്ലാം വെള്ളത്തിനടിയിലായി. തെക്കന് തീരദേശ മേഖലയിലാണ് മഴ എറ്റവുമധികം ശക്തി പ്രാപിച്ചിട്ടുളളത്. ചൊവ്വാഴ് ച കടലൂരില് മതില് ഇടിഞ്ഞു വീണു യുവതി മരിച്ചിരുന്നു. ചെന്നൈ അടക്കം തമിഴ്നാടിന്റെ തീരദേശ മേഖലകളിലെ സ്കൂളുകള്ക്ക് ഇന്നും അവധി പ്രഖ്യാപിച്ചിട്ടുണ്ട്.
മഴക്കെടുതികളെ നേരിടാന് എല്ലാ മുന്കരുതലുകളും സ്വീകരിച്ചിട്ടുണ്ടെന്ന് തമിഴ്നാട് മുനിസിപ്പല് അഡ്മിനിസ്ട്രേഷന് വകുപ്പ് മന്ത്രി എസ്.പി വേലുമണി പറഞ്ഞു. ബാഗ്ലൂര്, അമേരിക്ക, ലണ്ടന് തുടങ്ങിയ രാജ്യങ്ങളിലും മഴ പെയ്തിട്ടുണ്ട്, എന്നാല് അത്തരം വികസിത രാജ്യങ്ങളേക്കാള് മികച്ച ഒരുക്കങ്ങള് ഞങ്ങള് നടത്തിയിട്ടുണ്ടെന്നും വേലുമണി പറഞ്ഞു.
അതേസമയം 48 മണിക്കൂറില് കനത്ത മഴക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി.
https://www.facebook.com/Malayalivartha
