ഭര്ത്താവിന്റെ ഫോണ് ഭാര്യ പരിശോധിച്ചു... വിമാനം അടിയന്തിരമായി ഇറക്കി
ഇപ്പോള് എല്ലാവരും മൊബൈലില് പാസ്വോഡ് ഇട്ട് സൂക്ഷിക്കാറുണ്ട്. മിക്കവരും നമ്പര് ലോക്കോ സിമ്പല്സോ ആയിരിക്കും മൊബൈലില് ഇട്ടിരിക്കുക. ഇങ്ങനെയുള്ള പാസ്വേഡുകള് വളരെ എളുപ്പത്തില് കണ്ടു പിടിക്കാനും കഴിയും, പ്രത്യേകിച്ച് ഭാര്യമാര്ക്ക്. എന്നാല് ഇപ്പോള് ഇറങ്ങിയ ഫോണുകളില് മറ്റ് പല ഓപ്ഷനുകളും ഉണ്ട്. സ്വന്തം മുഖംകൊണ്ട് സ്ക്രീന് ലോക്ക് ചെയ്യാന് സാധിക്കും.
കൂടാതെ കൈയ്യിലെ വിരലുകളും പാസ്വേഡായി ഉപയോഗിക്കാം. ലോക്കായിരുന്ന ഭര്ത്താവിന്റെ ഫോണ് വിമാനയാത്രക്കിടെ പരിശോധിച്ച ഭാര്യ ഭര്ത്താവിന്റെ തനി സ്വാഭാവം തിരിച്ചറിഞ്ഞു. ഉറങ്ങുകയായിരുന്ന ഭര്ത്താവിന്റെ കൈ വിരല് ഫോണില് പതിപ്പിച്ച് ഭാര്യ ഫോണ് അണ്ലോക്ക് ചെയ്യുകയും പരിശോധിക്കുകയുമായിരുന്നു. ഫോണില് നിന്നും ഭര്ത്താവിന്റെ പരസ്ത്രീ ബന്ധം അറിഞ്ഞ യുവതി ഇതോടെ കോപാകുലയാകുകയും പിന്നീട് പ്രശ്നം കലഹത്തില് കലാശിക്കുകയും ചെയ്തു.
വഴക്ക് തീര്പ്പാക്കാന് വന്ന വിമാന ജീവനക്കാരോടും യുവതി വളരെ മോശമായി പെരുമാറി. ഒടുവില് വിമാനം അടിയന്തിരമായി ചെന്നൈയില് ഇറക്കുകയായിരുന്നു. അടികൂടിയ ഇറാനിയന് ദമ്ബതിമാരെയും അവരുടെ കുഞ്ഞിനെയും നിര്ബന്ധിച്ച് ചെന്നൈ വിമാനത്താവളത്തില് ഇറക്കിയ ശേഷം വിമാനം ബാലിയിലേക്ക് പറന്നു. പ്രശ്നം ഒത്തുതീര്പ്പായതിന് ശേഷം കോലാലംപൂരിലേക്ക് ബാറ്റിക് എയര് ഫ്ളെറ്റില് ഇവരെ യാത്ര ചെയ്യാന് അനുവദിച്ചതായി അധികൃതര് അറിയിച്ചു.
https://www.facebook.com/Malayalivartha
