ഡല്ഹിയില് ഒഴിവ് വരുന്ന മൂന്ന് രാജ്യസഭാ സീറ്റുകളിലൊന്നില് രഘുറാം രാജനെ മത്സരിപ്പിക്കാൻ അരവിന്ദ് കെജ്രിവാളിന്റെ നീക്കം ; മുന് റിസര്വ് ബാങ്ക് ഗവര്ണറിലൂടെ ആം ആദ്മി പാര്ട്ടിലക്ഷ്യമിടുന്നത് വരാനിരിക്കുന്ന തിരഞ്ഞെടുപ്പിലെ ഉജ്ജ്വലവിജയം
ഡല്ഹിയില് നിന്നും ഒഴിവ് വരുന്ന മൂന്ന് രാജ്യസഭാ സീറ്റുകളിലൊന്നില് റിസര്വ് ബാങ്ക് മുന് ഗവര്ണര് രഘുറാം രാജനെ മത്സരിപ്പിക്കാന് ആം ആദ്മി പാര്ട്ടി ആലോചിക്കുന്നതായി റിപ്പോര്ട്ട്.
ഡല്ഹി നിയമസഭയില് മികച്ച ഭൂരിപക്ഷമുള്ള ആം ആദ്മി പാര്ട്ടിക്ക് ഒഴിവു വരുന്ന മൂന്ന് സീറ്റുകളും അനായാസം വിജയിക്കാന് സാധിക്കും.
ഈ സീറ്റുകളിലേക്ക് ആം ആദ്മി പാര്ട്ടി നേതാക്കള്ക്ക് പകരം പാര്ട്ടിക്ക് പുറത്തു നിന്നുള്ള മികച്ച വ്യക്തിത്വങ്ങളെ മത്സരിപ്പിക്കാനാണ് ഡല്ഹി മുഖ്യമന്ത്രി അരവിന്ദ് കെജ്രിവാള് ആലോചിക്കുന്നതെന്നാണ് അദ്ദേഹത്തോട് അടുത്ത വൃത്തങ്ങള് പറയുന്നത്.
ജിഎസ്ടിയും നോട്ട് നിരോധനവും ചേര്ന്ന് ഇന്ത്യന് സമ്ബദ് വ്യവസ്ഥയെ തളര്ത്തിയ ഈ സന്ദര്ഭത്തില് രഘുറാം രാജനെ പോലൊരു സാമ്ബത്തികവിദഗ്ദ്ധന് രാജ്യസഭയിലെത്തുന്നത് കേന്ദ്രസര്ക്കാരിനെ പ്രതിരോധത്തിലാക്കുമെന്നാണ് ആം ആദ്മിയുടെ കണക്കുകൂട്ടല്.
നിലവില് ഷിക്കാഗോ യൂണിവേഴ്സിറ്റിയില് അധ്യാപകനായി പ്രവര്ത്തിക്കുന്ന രഘുറാം രാജന് ആം ആദ്മിയുടെ വാഗ്ദാനത്തോട് എങ്ങനെ പ്രതികരിച്ചു എന്ന കാര്യം അറിവായിട്ടില്ല.
യുപിഎ സര്ക്കാരിന്റെ കാലത്ത് റിസര്വ് ബാങ്ക് ഗവര്ണര് സ്ഥാനം ഏറ്റെടുത്ത രഘുറാം രാജന് ലോകത്തെ പ്രശസ്തരായ സാമ്ബത്തികവിദഗ്ദ്ധരില് ഒരാളാണ്.
റിസര്വ് ബാങ്ക് ഗവര്ണര് എന്ന നിലയില് ശ്രദ്ധേയമായ പ്രവര്ത്തനങ്ങള് കാഴ്ച്ച വച്ച രഘുറാം രാജന് പദവിയില് തുടരുവാന് താത്പര്യമുണ്ടായിരുന്നുവെങ്കിലും നരേന്ദ്രമോദി സര്ക്കാര് വീണ്ടും അവസരം കൊടുക്കാന് തയ്യാറായില്ല. ഇതോടെ മന്മോഹന്സിംഗ് പ്രത്യേക താത്പര്യമെടുത്ത് കൊണ്ടു വന്ന രാജന് അമേരിക്കയിലേക്ക് തന്നെ മടങ്ങി.
https://www.facebook.com/Malayalivartha
