കൊറോണ വ്യാപനം തടയാൻ കൃത്യമായ മുൻകരുതലുകളാണ് ഗൾഫ് രാഷ്ട്രങ്ങൾ സ്വീകരിച്ച് വരുന്നത്. ഇതേതുടർന്ന് യുഎഇ വിദേശികൾക്കും സ്വദേശികൾക്കും സൗജന്യ ചികിൽത്സ ഉറപ്പാക്കിയിരുന്നു. എന്നാൽ ഇപ്പോഴിതാ കൊറോണ വ്യാപനം പ്രതിരോധത്തിനായി ദുബായില്‍ പൊതുജനങ്ങള്‍ക്ക് സൗജന്യ പരിശോധന ഏര്‍പ്പെടുത്തിയാതായി റിപ്പോർട്ട്. രാവിലെ 8 മണി മുതല്‍ വൈകിട്ട് ആറര വരെയാണ് പരിശോധനാ സമയം എന്നാണ് ലഭ്യമാകുന്ന വിവരം. അതോടൊപ്പം തന്നെ ദുബായ് അല്‍ നാസര്‍ ക്ലബ്ബിലാണ് പരിശോധന നടത്തുക. സ്വദേശികള്‍ക്കും വിദേശികള്‍ക്കും സൗജന്യമായി സേവനം ലഭിക്കുകയും ചെയ്യുന്നതായിരിക്കും.

ഇതിനായി ദുബായ് ഹെല്‍ത്ത് അതോറിറ്റിയുടെ 800 342 എന്ന നമ്പറില്‍ വിളിച്ച് മുന്‍കൂര്‍ ബുക്ക് ചെയ്യേണ്ടത് അനിവാര്യമാണ്. ഇതേതുടർന്ന് മൊബൈല്‍ നമ്പറിലേക്ക് ഡിഎച്ച്എ സന്ദേശമയക്കും. ഇത് ലഭ്യമായ ഉടൻ തന്നെ ഇതും എമിറേറ്റ്സ് ഐഡിയുമായി പരിശോധനയ്ക്ക് ചെല്ലാവുന്നതാണ്. ഒപ്പം പരിശോധനയ്ക്കായി വാഹനത്തില്‍നിന്ന് പുറത്തിറങ്ങേണ്ട കാര്യമില്ല. നിങ്ങൾ എത്തിയാൽ ഉടൻ തന്നെ ആരോഗ്യ പ്രവര്‍ത്തകര്‍ അടുത്തെത്തി അഞ്ച് മിനിറ്റിനുള്ളില്‍ പരിശോധന പൂര്‍ത്തിയാക്കുന്നതായിരിക്കും.

അതോടൊപ്പം തന്നെ 48 മണിക്കൂറിനകം പരിശോധാ ഫലം കിട്ടും. തുടർന്ന് DHA ആപ്പ് ഡൗണ്‍ ലോഡ് ചെയ്ത് അതില്‍ ലാബ് റിസല്‍ട്ടിലും, തുടര്‍ന്ന് പേഷ്യന്റ് സര്‍വ്വീസ് എന്ന ലിങ്കിലും ക്ലിക്ക് ചെയ്താല്‍ ഫലം അറിയാനാകുന്നതായിരിക്കും. എന്നാൽ ഗര്‍ഭിണികള്‍, മുതിര്‍ന്ന പൗരന്‍മാര്‍ എന്നിവര്‍ക്കാണ് കൊവിഡ് പരിശോധനയില്‍ മുന്തിയ പരിഗണന നല്‍കുക. പരിശോധനയ്ക്ക് പുറത്തിറങ്ങുന്നവര്‍ മൊബൈലിലെ DHA യുടെ സന്ദേശം കാണിച്ചാല്‍ മതിയാകുന്നതായിരിക്കും. ഒപ്പം റഡാറിൽ കുടുങ്ങിയുള്ള പിഴയില്‍നിന്നും പിന്നീട് ഇളവ് ലഭിക്കും. ഓർത്തുകൊള്ളുക പുറത്തിറങ്ങുമ്പോള്‍ മാസ്‌കും ഗ്ലൗസും ധരിക്കുന്നത് നിര്‍ബന്ധമാണ്.