കണ്ണീരടക്കാനാവാതെ.... ഹരിപ്പാട് വാനും സ്‌കൂട്ടറും കൂട്ടിയിടിച്ച് പ്രവാസിയായ യുവാവിന് ദാരുണാന്ത്യം... മഹാദേവികാട് മീനത്തുമൂലയില്‍ പരേതനായ കുശന്റെയും ജലജയുടെയും മകന്‍ രജീഷ് (33) ആണ് മരിച്ചത്.


ഇന്നലെ ഉച്ചയ്ക്ക് 2.30 ഓടെ ഡാണാപ്പടി പാലത്തിന് സമീപം ആയിരുന്നു അപകടം നടന്നത്. രജീഷ് സഞ്ചരിച്ച സ്‌കൂട്ടറും ഓംനി വാനും തമ്മില്‍ കൂട്ടിയിടിക്കുകയായിരുന്നു.

ഗുരുതരമായി പരിക്കേറ്റ രജീഷിനെ ഹരിപ്പാട് താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മരിച്ചു. ഷാര്‍ജയില്‍ ജോലി ചെയ്തു വരവേ പുതിയ കമ്പനിയില്‍ കയറുന്നതിനായി രണ്ട് ആഴ്ചക്ക് മുന്‍പാണ് നാട്ടിലേക്ക് വന്നത്. ഭാര്യ: ജിതുമോള്‍. മകള്‍: റിധ്വിക.