കോവിഡ് വ്യാപന പശ്ചാത്തലത്തില്‍ ഒമാനില്‍ 2020 21 അദ്ധ്യയന വര്‍ഷത്തെ പുതിയ അക്കാദമിക് സെഷന്‍ പ്രവര്‍ത്തനങ്ങള്‍ ഓഗസ്റ്റ് 30 വരെ തുടങ്ങേണ്ടതില്ലെന്ന് വിദ്യാഭ്യാസ മന്ത്രാലയം അറിയിച്ചു.ഇത് സംബന്ധിച്ച് പുറത്തിറക്കിയ ഉത്തരവ് 139/2020 പ്രകാരം സൂപ്പര്‍വൈസര്‍മാര്‍, അഡ്മിനിസ്‌ട്രേറ്റര്‍മാര്‍, അധ്യാപകര്‍ എന്നിവര്‍ക്ക് 2020-21 അധ്യയന വര്‍ഷത്തെ അക്കാദമിക് സെഷന്‍ ആരംഭിക്കുന്നത് ഓഗസ്റ്റ് 30 ഞായറാഴ്ച വരെ നീട്ടിയിരിക്കുന്നു എന്നാണ് അറിയിപ്പ്. രാജ്യത്തെ സര്‍ക്കാര്‍, സ്വകാര്യ സ്‌കൂളുകള്‍ക്ക് ഈ ഉത്തരവ് ബാധകമാണെന്നും അറിയിച്ചിട്ടുണ്ട്.

അതേസമയം കോവിഡ് വ്യാപനത്തിന്റെ പശ്ചാത്തലത്തില്‍ ഒമാനില്‍ ആരോഗ്യ സുരക്ഷ മാര്‍ഗനിര്‍ദേശങ്ങള്‍ പാലിക്കാത്ത 10 സ്ഥാപനങ്ങള്‍ അടച്ചുപൂട്ടി . ഹവല്ലി ഗവര്‍ണറേറ്റിലാണ് മുനിസിപ്പാലിറ്റി പരിശോധന നടത്തിയത്. 23 സ്ഥാപനങ്ങള്‍ക്ക് പിഴ ചുമത്തി.
റസ്റ്റാറന്റുകള്‍, കോഫീ ഷോപ്, ഹെയര്‍ സലൂണ്‍ തുടങ്ങിയ സ്ഥാപനങ്ങളാണ് പൂട്ടിച്ചത്. സലൂണുകള്‍ക്ക് ഈ ഘട്ടത്തില്‍ പ്രവര്‍ത്തിക്കാന്‍ അനുമതിയില്ല.ആരോഗ്യ സുരക്ഷ മാര്‍ഗനിര്‍ദേശങ്ങള്‍ പാലിക്കാത്തത് ശ്രദ്ധയില്‍പെട്ടാല്‍ 24727732 എന്ന വാട്‌സാപ് നമ്ബറിലോ 139 എന്ന ഹോട്ട്‌ലൈന്‍ നമ്ബറിലോ അറിയിക്കണമെന്ന് അധികൃതര്‍ ആവശ്യപ്പെട്ടു.
ഒമാനില്‍ ഇന്ന് 249 പേര്‍ക്ക് കൂടി കോവിഡ് സ്ഥിരീകരിച്ചു. ഇതോടെ മൊത്തം രോഗികളുടെ എണ്ണം 82299 ആയി. 352 പേര്‍ക്ക് കൂടി രോഗം ഭേദമായിട്ടുണ്ട്. 77072 പേരാണ് ഇതുവരെ രോഗമുക്തരായിട്ടുള്ളത്. രാജ്യത്ത് കഴിഞ്ഞ 24 മണിക്കൂറിനിടെ ആറു പേര്‍ കൂടി മരണപ്പെട്ടു. ഇതുവരെ കോവിഡ് ബാധിച്ച് മരണപ്പെട്ടത് 539 പേരാണ്. 71 പേരെ കൂടി ആശുപത്രിയില്‍ പ്രവേശിപ്പിച്ചു. 467 പേരാണ് ആശുപത്രികളില്‍ ചികില്‍സയിലുള്ളത്. ഇതില്‍ 165 പേര്‍ തീവ്ര പരിചരണ വിഭാഗത്തിലാണ് ഉള്ളത്.