ശ്രീലങ്കയ്‌ക്കെതിരായ മൂന്നാം ക്രിക്കറ്റ് ടെസ്റ്റില്‍ പാക്കിസ്ഥാന് ഏഴ് വിക്കറ്റിന്റെ തകര്‍പ്പന്‍ ജയം. ഇതോടെ മൂന്ന് മത്സരങ്ങളുടെ പരമ്പര പാക്കിസ്ഥാന്‍ 2-1ന് സ്വന്തമാക്കി. പുറത്താകാതെ 171 റണ്‍സ് നേടിയ യൂനിസ് ഖാനാണ് പാക്കിസ്ഥാനെ വിജയത്തിലേയ്ക്ക് നയിച്ചത്. ഓപ്പണര്‍ ഷാന്‍ മക്‌സൂദ് 125 റണ്‍സ് നേടി പുറത്തായി. ജെഹാന്‍ മുബാറകിനെ സിക്‌സര്‍ പറത്തി വിജയറണ്‍ നേടിയ പാക്ക് നായകന്‍ മിസ്ബ ഉള്‍ ഹഖ് 57 റണ്‍സോടെ യൂനിസ് ഖാന് കൂട്ടായി ക്രീസില്‍ നിന്നു.

377 റണ്‍സ് വിജയലക്ഷ്യം പിന്തുടര്‍ന്ന പാക്കിസ്ഥാന്‍ മൂന്ന് വിക്കറ്റ് നഷ്ടത്തില്‍ ലക്ഷ്യം കണ്ടു. 13/2 എന്ന നിലയില്‍ തകര്‍ച്ചയെ നേരിടുമ്പോഴാണ് യൂനിസ് ഖാന്‍-ഷാന്‍ മക്‌സൂദ് സഖ്യം നാലാം വിക്കറ്റില്‍ ഒത്തുചേര്‍ന്നത്. ഇരുവരും ചേര്‍ന്ന് നേടിയ 242 റണ്‍സിന്റെ കൂട്ടുകെട്ടാണ് പാക്ക് വിജയം അനായാസമാക്കിയത്. 18 ബൗണ്ടറികള്‍ അടങ്ങിയതായിരുന്നു യൂനിസിന്റെ ഇന്നിംഗ്‌സ്. യൂനിസ് തന്നെയാണ് മാന്‍ ഓഫ് ദ മാച്ച്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha