പഞ്ചസാരയും തേനും ഒക്കെ ശുദ്ധമായിരിക്കണമെന്ന് നമുക്ക് നിര്‍ബന്ധമുണ്ട്. പക്ഷേ അവയിലൊക്കെ മായം ചേരുന്നത് നമ്മള്‍ അറിയുകയോ ഇല്ല. മായങ്ങള്‍ കണ്ടെത്താന്‍ ചില എളുപ്പവഴികള്‍. 
തേനില്‍ പഞ്ചസാര ലായനി ചേര്‍ത്താല്‍: പഞ്ചസാര വെള്ളത്തില്‍ ലയിപ്പിച്ച് തേനില്‍ മായമായി ചേര്‍ക്കാറുണ്ട്. കുറച്ച് പഞ്ഞി അല്‍പം നീളത്തില്‍ ചുരുട്ടിയെടുത്ത് തേന!ില്‍ മുക്കുക. തുടര്‍ന്ന് അത് കത്തിച്ചാല്‍ നന്നായി കത്തുന്നുണ്ടെങ്കില്‍ പഞ്ചസാര ലായനി ചേരാത്ത തേനാണ്. എന്നാല്‍ കത്തുമ്പോള്‍ പൊട്ടലും ചീറ്റലും ഉണ്ടാകുകയാണെങ്കില്‍ തേന്‍ ശുദ്ധമല്ല. പഞ്ചസാര ലായനിയിലെ ജലാംശമാണ് ഇങ്ങനെ വെളിപ്പെടുന്നത്.
ഒരു ഗ്ലാസ് വെള്ളം മേശപ്പുറത്ത് നിശ്ചലമാക്കി വയ്ക്കുക. ജലത്തിന്റെ ഉപരിതലത്തിലേക്ക് ഒരു തുള്ളി തേന്‍ ഇറ്റിക്കുക. അത് അലിയാതെ തേന്‍തുള്ളിയായി നില്‍ക്കുകയാണെങ്കില്‍ ശുദ്ധമായ തേനാണെന്നും അലിയുകയാണെങ്കില്‍ പഞ്ചസാര ലായന!ി ചേര്‍ത്തുവെന്നും മനസ്സിലാക്കാം.
തേനില്‍ ശര്‍ക്കര ലായനി ചേര്‍ത്താല്‍: ഒരു തുള്ളി തേന്‍ ഒരു ഗ്ലാസ്സ് വെള്ളത്തിലേക്ക് ഒഴിക്കുക. തുള്ളിക്ക് യാതൊരു ആകൃതിവ്യത്യാസവും ഇല്ലാതെ വെള്ളത്തിന്റെ അടിഭാഗത്ത് എത്തുകയാണെങ്കില്‍ ശുദ്ധമായ തേന്‍ ആയിരിക്കും. എന്നാല്‍ ശര്‍ക്കര ലായനി ചേര്‍ത്ത തേന്‍ തുള്ളി പെട്ടെന്നുവെള്ളത്തില്‍ പടരും. 
ശര്‍ക്കരയില്‍ ചോക്കു പൊടി ചേര്‍ത്താല്‍: കുറച്ചു ശര്‍ക്കര വെള്ളത്തില്‍ നന്നായി ലയിപ്പിക്കുക. ചോക്ക് പൗഡര്‍ ഉണ്ടെങ്കില്‍ അത് അടിഭാഗത്ത് അടിയുന്നതു കാണാം. 
പഞ്ചസാരയില്‍ യൂറിയ ചേര്‍ത്താല്‍: പഞ്ചസാരയോട് കാഴ്ചയില്‍ സമാനമാണ് യൂറിയ തരികളും. പഞ്ചസാര വെള്ളത്തില്‍ ലയിപ്പിക്കുമ്പോള്‍ അമോണിയയുടെ ഗന്ധം ഉണ്ടാകുകയാണെങ്കില്‍ അതില്‍ യൂറിയ ചേര്‍ത്തിട്ടുണ്ടെന്നു മനസ്സിലാക്കാം. 

സാക്കറിന്‍ ചേര്‍ത്താല്‍: െഎസ്‌ക്രീം മുതല്‍ ശര്‍ക്കര വരെയുള്ളവയില്‍ മായം ചേര്‍ക്കാന്‍ ഉപയോഗിക്കുന്ന അതിമ ധുരവസ്തുവാണ് സാക്കറിന്‍. ഇതിന്റെ മധുരം ദീര്‍ഘനേരം നാവില്‍ തങ്ങിനില്‍ക്കും. ഒടുവില്‍ അരുചിയും തോന്നും. പഞ്ചസാരയുടേയോ ശര്‍ക്കരയുടേയോ മധ!ുരത്തിന് ആ സവിശേ!ഷതയില്ല. ഈ വ്യത്യാസം കൊണ്ട് സാക്കറിന്‍ തിരിച്ചറിയാം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha