ഇൻസ്റ്റിറ്റ്യൂട്ട് ഓഫ് കോസ്റ്റ് അക്കൗണ്ടൻസ് ഓഫ് ഇന്ത്യ നടത്തുന്ന കോഴ്‌സാണ് സി.എം.എ. പ്ലസ്‌ടു ആണ് ഈ കോഴ്സിൽ ചേരാനുള്ള യോഗ്യത. ഇത് പഠിച്ചിറങ്ങിയാൽ സാധ്യതകളേറെയാണ്. പലപ്പോഴും പല കോഴ്സുകളെക്കുറിച്ചും ഉള്ള അറിവില്ലായ്മയാണ് നല്ല കോഴ്സ് തിരഞ്ഞെടുക്കാൻ കഴിയാതെ പോകുന്നതിനു കാരണം. ഇന്ത്യൻ കോസ്റ്റ് ആക്കൗണ്ടൻസി സർവീസ് പാസാകുന്നവരെ സർക്കാർ ഉയർന്ന ജോലികളിൽ നിയമിക്കും. കൂടാതെ സ്വകാര്യ മേഖലയിൽ കമ്പനി ഡയറക്‌ടർ, ഫിനാൻസ് മാനേജർ, സിഇഒ, ഇൻന്റേണൽ ഓഡിറ്റർ തുടങ്ങിയ നിരവധി തസ്തികകളിലേക്ക് നിയമന സാധ്യത ഉണ്ട്.
ഇൻസ്റ്റിറ്റ്യൂട്ട് ഓഫ് കോസ്റ്റ് അക്കൗണ്ടൻസിന്റെ, വിവിധ ശാഖകളിലോ സ്റ്റഡി സെന്ററുകളിലോ രജിസ്റ്റർ ചെയ്‌തോ വിദൂര വിദ്യാഭ്യാസത്തിലൂടെയോ സിഎംഎ കോഴ്സ് പഠിക്കാം.
1.ഫൗണ്ടേഷൻ കോഴ്‌സ്.
2. ഇന്റർ മീഡിയറ്റ് കോഴ്‌സ്.
3.ഫൈനൽ കോഴ്‌സ്.എന്നിങ്ങനെ മൂന്നുഘട്ടങ്ങളിലായി ഇൻസ്റ്റിറ്റ്യൂട്ട് നടത്തുന്ന പരീക്ഷകൾ പാസാകണം.
സിഎംഎ ഇൻസ്റ്റിറ്റ്യൂട്ടും ഇഗ്നോയും തമ്മിലുള്ള ഉടമ്പടി പ്രകാരം ഫൗണ്ടേ ഷൻ കോഴ്‌സിന് രജിസ്റ്റർ ചെയ്യുന്നവർക്ക് ഇതിനോടൊപ്പം ഇഗ്നോയുടെ ബി കോം ഡിഗ്രിക്കും രജിസ്റ്റർ ചെയ്യാവുന്നതാണ്.
അവസാന തീയതി–ജൂലൈ 31.
ഇൻസ്റ്റിറ്റ്യൂട്ട് അഡ്രസ്; The Institute of Cost Accountants of India, 12, Sudder Street, Kolkata-700016 Ph.No. 033-22521031 Website:www.icmai.in.