സാങ്കേതിക വിദ്യാഭ്യാസ വകുപ്പിനുകീഴിലുള്ള ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ്ങിൽ (ജി.ഐ.എഫ്.ഡി.) ഫാഷൻ ഡിസൈനിങ് ആൻഡ്‌ ഗാർമെന്റ് ടെക്‌നോളജി കോഴ്സിന് ഇപ്പോൾ അപേക്ഷിക്കാവുന്നതാണു. അപേക്ഷഫോമുകൾ ജൂൺ 9 വരെ കേരളത്തിലെ 42 ജി.ഐ.എഫ്.ഡി. കേന്ദ്രങ്ങളിൽ ലഭിക്കും. പൂരിപ്പിച്ച അപേക്ഷ ജൂൺ 13 നകം നൽകണം. എസ്.എസ്.എൽ.സി. ആണ് യോഗ്യത. പരമ്പരാഗത വസ്ത്ര നിർമാണമേഖലയിൽ വൈദഗ്ധ്യം നേടുന്നതിനോടൊപ്പം കമ്പ്യൂട്ടർ അധിഷ്ഠിത ഫാഷൻ ഡിസൈനിങ്ങിലും പരിശീലനം നൽകുന്നു.
രണ്ട് വർഷമാണ് കോഴ്‌സിന്റെ കാലാവധി. കേരള ഗവൺമെന്റ് ടെക്‌നിക്കൽ എക്സാമിനേഷൻ-ഫാഷൻ ഡിസൈനിങ് ആൻഡ്‌ ഗാർമെന്റ് ടെക്‌നോളജി സർട്ടിഫിക്കറ്റ് ലഭിക്കും. ആൺകുട്ടികൾക്കും പെൺകുട്ടികൾക്കും അപേക്ഷിക്കാം.
കൂടുതൽ വിവരങ്ങൾ http://www.dtekerala.gov.in എന്ന വെബ്‌സൈറ്റിൽ ലഭിക്കും. സർക്കാരിന്റെ വിദ്യാഭ്യാസ ആനുകൂല്യങ്ങൾക്കും അർഹതയുണ്ട്. ഉയർന്ന പ്രായപരിധിയില്ല. പി.എസ്.സി. അംഗീകാരമുള്ള കോഴ്സാണ്. ജയിൽ, സാമൂഹികക്ഷേമ വകുപ്പുകൾ തുടങ്ങിയവയുടെ നിയന്ത്രണത്തിലുള്ള കേന്ദ്രങ്ങളിലും വിദ്യാലയങ്ങളിലും തയ്യൽ പരിശീലന അദ്യാപകരാകാനും അതുപോലെ സ്വന്തമായി സംരംഭങ്ങൾ തുടങ്ങാൻ കുടുംബശ്രീ വഴി സർക്കാർ ലോണുകളും നൽകുന്നുണ്ട്.