നാവികസേനയില്‍ ഷോര്‍ട്ട് സര്‍വീസ് കമ്മീഷന്‍ഡ് ഓഫീസര്‍മാരാവാന്‍ എഞ്ചിനീയർമാർക്ക് അവസരം
നാവികസേനയില്‍ ടെക്നിക്കല്‍/എക്സിക്യുട്ടീവ് ബ്രാഞ്ചുകളില്‍ ഷോര്‍ട്ട് സര്‍വീസ് കമ്മീഷന്‍ഡ് ഓഫീസര്‍മാരാവാന്‍ എന്‍ജിനീയറിങ് ബിരുദക്കാര്‍ക്ക് അവസരം. നാവികസേനയുടെ യൂണിവേഴ്സിറ്റി എന്‍ട്രി സ്‌കീമിലേക്ക് ആണ് അപേക്ഷിക്കേണ്ടത്. ജൂലായ് ഒന്ന് മുതല്‍ ജൂലായ് 31 വരെ ഓൺലൈൻ ആയി അപേക്ഷിക്കാം.
യോഗ്യത: 60 ശതമാനം മാര്‍ക്കില്‍ കുറയാതെ എന്‍ജിനീയറിങ് ബിരുദം. എന്‍ജിനീയറിങ് അവസാനവര്‍ഷക്കാര്‍ക്കും പ്രീ-ഫൈനല്‍ ഇയര്‍കാര്‍ക്കും അപേക്ഷിക്കാം. ഏതെങ്കിലും സെമസ്റ്ററില്‍ ബാക്ക് ലോഗ് ഉള്ളവര്‍ക്കും പ്ലസ് ടു തലത്തില്‍ ഫിസിക്സ്, കെമിസ്ട്രി, മാത്തമാറ്റിക്സ് എന്നിവ പഠിക്കാത്തവരും അപേക്ഷിക്കാന്‍ യോഗ്യരല്ല. നേരത്തെ പൈലറ്റ് ബാറ്ററി ആപ്റ്റിറ്റിയൂഡ് ടെസ്റ്റില്‍ പരാജയപ്പെട്ടവര്‍ പൈലറ്റ് തസ്തികയിലേക്ക് അപേക്ഷിക്കാൻ അർഹരല്ല. തിരഞ്ഞെടുക്കപ്പെടുന്നവര്‍ക്കുള്ള പരിശീലനം 2018 ജൂണില്‍ ഏഴിമലയിലെ ഇന്ത്യന്‍ നേവല്‍ അക്കാദമിയില്‍ ആരംഭിക്കും.
എക്സിക്യുട്ടീവ് ബ്രാഞ്ചില്‍ എയര്‍ ട്രാഫിക് കണ്‍ട്രോളര്‍ വിഭാഗത്തിലേക്കും ടെക്നിക്കല്‍ ബ്രാഞ്ചില്‍ നേവല്‍ ആര്‍ക്കിടെക്ചര്‍ വിഭാഗത്തിലേക്കും സ്ത്രീകൾക്ക് അപേക്ഷിക്കാം.
പ്രായം: 02-07-1994നും 01-07-1997നും ഇടയില്‍ ജനിച്ചവര്‍ക്ക് അപേക്ഷിക്കാം. രണ്ട് തീയതികളും ഉള്‍പ്പെടെ. സബ് ലഫ്റ്റനന്റ് റാങ്കിലായിരിക്കും നിയമനം. കമാന്‍ഡര്‍ വരെ ഉയരാവുന്ന തസ്തികയാണിത്.
നേവല്‍ കാമ്പസ് സെലക്ഷന്‍ ടീം നടത്തുന്ന കാമ്പസ് ഇന്റര്‍വ്യൂ വഴിയാണ് തിരഞ്ഞെടുപ്പ്. 2017 ഡിസംബര്‍ മുതല്‍ 2018 ഏപ്രില്‍ വരെ ബെംഗളൂരു, ഭോപ്പാല്‍, കോയമ്പത്തൂര്‍, വിശാഖപട്ടണം എന്നിവിടങ്ങളിലാണ് ഇന്റര്‍വ്യൂ നടക്കുക. വൈദ്യപരിശോധനയുമുണ്ടായിരിക്കും.
ഓണ്‍ലൈന്‍ അപേക്ഷക്ക്: https://www.joinindiannavy.gov.in/.
https://www.facebook.com/Malayalivartha
