പത്താം ക്ലാസ്സ്‌ ഉള്ളവര്‍ക്ക് റെയില്‍വേ പോലീസ് ജോലി : ഇന്ത്യന്‍ റെയില്‍വേക്ക് കീഴില്‍ റെയില്‍വേ പ്രൊട്ടക്ഷന്‍ ഫോഴ്സില്‍ ജോലി നേടാന്‍ ആഗ്രഹിക്കുന്നവര്‍ക്ക് സുവര്‍ണ്ണാവസരം. റെയിൽവേ പ്രൊട്ടക്ഷൻ ഫോഴ്സ് (RPF) ഇപ്പോള്‍ കോൺസ്റ്റബിൾമാരും സബ് ഇൻസ്പെക്ടർമാരും (SI) തസ്തികയിലേക്ക് നിയമനം നടത്തുന്നതിനു വേണ്ടി യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിക്കുന്നു.

മിനിമം പത്താം ക്ലാസ്സ്‌ , ഡിഗ്രി ഉള്ളവര്‍ക്ക് കോൺസ്റ്റബിൾമാരും സബ് ഇൻസ്പെക്ടർമാരും (SI) പോസ്റ്റുകളില്‍ ആയി മൊത്തം 4660 ഒഴിവുകളിലേക്ക് ഉദ്യോഗാര്‍ത്ഥികള്‍ക്ക് ഓണ്‍ലൈന്‍ ആയി അപേക്ഷിക്കാം. നല്ല ശമ്പളത്തില്‍ കേന്ദ്ര സര്‍ക്കാരിന്റെ കീഴില്‍ റെയില്‍വേക്ക് കീഴില്‍ ജോലി ആഗ്രഹിക്കുന്നവര്‍ക്ക് ഈ അവസരം ഉപയോഗപ്പെടുത്താം. ഈ ജോലിക്ക് ഓണ്‍ലൈന്‍ ആയി 2024 മേയ് 14 വരെ അപേക്ഷിക്കാം.


റെയിൽവേ പ്രൊട്ടക്ഷൻ ഫോഴ്സ് (RPF) യുടെ പുതിയ അറിയിപ്പ് അനുസരിച്ച് ഇപ്പോള്‍ വന്നിട്ടുള്ള ഒഴിവുകളുടെ എണ്ണം

കോൺസ്റ്റബിൾ 4208
സബ് ഇൻസ്പെക്ടർ 452
ആകെ പോസ്റ്റ് 4660

അപേക്ഷിക്കാനുള്ള പ്രായ പരിധി   കോൺസ്റ്റബിൾ തസ്തികയിലേക്ക്   18 വയസ്സുമുതൽ  28 വയസ്സുവരേയും
സബ്- ഇൻസ്പെക്ടർസ് തസ്തികയിലേക്ക്    20 വയസ്സുമുതൽ  28 വയസ്സുവരേയും  ആണ്. സബ് ഇൻസ്‌പെക്ടർ തസ്തികയിൽ അപേക്ഷിക്കുന്നതിനു മിനിമം യോഗ്യത ഏതെങ്കിലും വിഷയത്തിലുള്ള ഡിഗ്രി ആണ് എന്നാൽ, കോൺസ്റ്റബിൾ (Exe) തസ്തികയിലേക്ക്പത്താം ക്ലാസ് ഉള്ളവർക്ക് അപേക്ഷിക്കാം.

ഫേസ് I കമ്പ്യൂട്ടർ ബേസ്ഡ് ടെസ്റ്റ് (CBT)
ഫേസ് II ഫിസിക്കൽ എഫിഷ്യൻസി ടെസ്റ്റ് (PET) & ഫിസിക്കൽ മെഷർമെൻറ് ടെസ്റ്റ്
ഫേസ് III ഡോക്യുമെന്റ് വെരിഫിക്കേഷൻ എന്നിങ്ങനെ മൂന്നു തലത്തിലായാണ് നിയമനം

35 മാർക്കിന്റെ ഗണിതശാസ്ത്രം , 35 മാർക്കിന്റെ  ജനറൽ ഇൻ്റലിജൻസ് & റീസണിംഗ്, 50 മാർക്കിന്റെ പൊതുവിജ്ഞാനം എന്നിങ്ങനെയാണ് പരീക്ഷയുടെ സിലബസ്  . ഇതിനൊപ്പം ശാരീരിക ക്ഷമത പരീക്ഷകളും ഉണ്ടായിരിക്കും


റെയിൽവേ സംരക്ഷണ സേന (RPF)   ഒഴിവുകളിലേക്ക് ‌അപേക്ഷിക്കാന്‍ അപേക്ഷാ ഫീസ്‌ ജനറൽ  / OBC  /EWS വിഭാഗത്തിന്  Rs. 500/-   രൂപയും SC / ST / PWD വിഭാഗത്തിന് Rs. 250/- രൂപയുമാണ് . അപേക്ഷാ ഫീസ്‌ അടക്കാത്ത അപേക്ഷകള്‍ സ്വീകരിക്കുന്നതല്ല . ഉദ്യോഗാര്‍ഥികള്‍ക്ക് ഈ ഫീസ്‌ ഓണ്‍ലൈന്‍ വഴി നെറ്റ്ബാങ്ക്,ഡെബിറ്റ് കാര്‍ഡ്, ക്രെഡിറ്റ്‌ കാര്‍ഡ് എന്നിവ ഉപയോഗിച്ച് പണം അടക്കാം.

യോഗ്യരായ ഉദ്യോഗാര്‍ഥികള്‍ ഡിസ്ക്രിപ്ഷനിൽ കൊടുത്ത ഔദ്യോഗിക വിജ്ഞാപനം പൂര്‍ണ്ണമായും വായിച്ചു മനസ്സിലാക്കിയതിനു ശേഷം അപേക്ഷിക്കേണ്ട ലിങ്ക് ക്ലിക്ക് ചെയ്ത് മൊബൈല്‍ ഫോണ്‍ , കമ്പ്യൂട്ടര്‍ ഉപയോഗിച്ച് ഓണ്‍ലൈന്‍ വഴി അപേക്ഷിക്കാം.

 
ഒഫീഷ്യല്‍ വെബ്സൈറ്റ് http://www.rpf.indianrailways.gov.in/