റെയിൽവേ റിക്രൂട്ട്‌മെന്റ് ബോർഡ് ജൂനിയർ എഞ്ചിനീയർമാരുടെ തസ്‌തികകളിലേക്ക് അപേക്ഷകൾ ക്ഷണിച്ചു. ആകെ 7,934 ഒഴിവുകളാണുള്ളത്. നല്ല ശമ്പളത്തില്‍ കേന്ദ്ര സര്‍ക്കാരിന്റെ കീഴില്‍ ജോലി ആഗ്രഹിക്കുന്നവര്‍ക്ക് ഈ അവസരം ഉപയോഗപ്പെടുത്താം. ഈ ജോലിക്ക് ഓണ്‍ലൈന്‍ ആയി 2024 ഓഗസ്റ്റ് 29 വരെ അപേക്ഷിക്കാം.

അപേക്ഷകൾ അയക്കുന്നതിന്റെ അടിസ്ഥാനത്തിൽ തിരഞ്ഞെടുക്കുന്ന ഉദ്യോഗാർത്ഥികൾ രണ്ട് ഘട്ട സിബിടി പരീക്ഷകൾ പാസാവണം. തുടർന്ന് ഡോക്യുമെന്റ് വെരിഫിക്കേഷനും മെഡിക്കൽ പരിശോധനയും ഉണ്ടാകും. ആർആർബി ജെഇ 2024ന്റെ യോഗ്യതാ മാനദണ്ഡങ്ങൾ പാലിക്കുന്നവരെ മാത്രമേ പരീക്ഷയ്‌ക്കായി പരിഗണിക്കുകയുള്ളു. ഈ മാനദണ്ഡങ്ങൾ എന്തൊക്കെയെന്ന് നോക്കാം.

പ്രായപരിധി

നിങ്ങൾ റെയിൽവേ മേഖലയിൽ ജൂനിയർ എഞ്ചിനീയർ ആകാൻ ആഗ്രഹിക്കുന്നുവെങ്കിൽ, 2025 ജനുവരി ഒന്നിന് 18നും 33നും ഇടയിലായിരിക്കണം പ്രായം. ഒബിസി വിഭാഗത്തിൽ പെടുന്നവർക്ക് 36 വയസ് വരെയും എസ്‌സി/എസ്‌ടി വിഭാഗത്തിൽപ്പെടുന്നവർക്ക് 38 വയസുവരെയും അപേക്ഷിക്കാം.

വിദ്യാഭ്യാസം

ഉദ്യോഗാർത്ഥികൾ മെക്കാനിക്കൽ/ഇലക്‌ട്രിക്കൽ/ഇലക്‌ട്രോണിക്‌സ് എഞ്ചിനീയറിംഗ്/പ്രൊഡക്ഷൻ എഞ്ചിനീയറിംഗ്/ഓട്ടോമൊബൈൽ അല്ലെങ്കിൽ മറ്റേതെങ്കിലും പ്രസക്തമായ എഞ്ചിനീയറിംഗ് വിഷയങ്ങളിൽ എഞ്ചിനീയറിംഗ് ഡിപ്ലോമ/ബിരുദം പൂർത്തിയാക്കിയിരിക്കണം. ഇന്ത്യന്‍ റെയില്‍വേ യുടെ 7951 ഒഴിവുകളിലേക്ക് ‌അപേക്ഷിക്കാന്‍ അപേക്ഷാ ഫീസ്‌ 500 രൂപയാണ് .. SC / ST / EWS വിഭാഗത്തിന്Rs. 250/- അടച്ചാൽ മതി .

ഇന്ത്യന്‍ റെയില്‍വേ വിവിധ ജൂനിയര്‍ എഞ്ചിനീയര്‍ ഒഴിവുകളിലേക്ക് അപേക്ഷിക്കാന്‍ താല്പര്യമുള്ള ഉദ്യോഗാര്‍ത്ഥികള്‍ക്ക് ഓണ്‍ലൈന്‍ ആയി അപേക്ഷിക്കാം. യോഗ്യരായ ഉദ്യോഗാര്‍ഥികള്‍ ഔദ്യോഗിക വിജ്ഞാപനം പൂര്‍ണ്ണമായും വായിച്ചു മനസ്സിലാക്കിയതിനു ശേഷം അപേക്ഷിക്കേണ്ട ലിങ്ക് ക്ലിക്ക് ചെയ്ത് മൊബൈല്‍ ഫോണ്‍ , കമ്പ്യൂട്ടര്‍ ഉപയോഗിച്ച് ഓണ്‍ലൈന്‍ വഴി അപേക്ഷിക്കാം.അപേക്ഷ അയക്കേണ്ട അവസാന തിയതി 2024 ഓഗസ്റ്റ് 29 വരെ.

അപേക്ഷ എങ്ങനെ സമര്‍പ്പിക്കാം, എന്തെല്ലാം കാര്യങ്ങള്‍ ശ്രദ്ധിക്കണം എന്നിവ മനസ്സിലാക്കാന്‍ ഔദ്യോഗിക വിജ്ഞാപനം വായിച്ചു മനസ്സിലാക്കുക. നിങ്ങൾ അപേക്ഷിക്കുന്നതിനൊപ്പം ജോലി അന്വേഷിക്കുന്ന നിങ്ങളുടെ സുഹൃത്തുകള്‍ക്കും ഈ പോസ്റ്റ് പങ്കുവെക്കുക.

കൂടുതൽ വിവരങ്ങൾക്കായി ആർആർബിയുടെ ഔദ്യോഗിക വെബ്‌സൈറ്റായ rrbapply.gov.in സന്ദർശിക്കുക.