എല്‍.ഐ.സി ഹൗസിങ് ഫിനാന്‍സ് ലിമിറ്റഡ് ജൂനിയര്‍ അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. വിവിധ സംസ്ഥാനങ്ങളിലായി 200 ഒഴിവാണുള്ളത്. ബിരുദധാരികള്‍ക്കാണ് അവസരം. തിരഞ്ഞെടുപ്പിനായി നടത്തുന്ന എഴുത്തുപരീക്ഷയ്ക്ക് കേരളത്തില്‍ ഏഴുകേന്ദ്രങ്ങളുണ്ടാവും. പരീക്ഷ സെപ്റ്റംബറില്‍ നടക്കും.

ഒഴിവുകള്‍ (സംസ്ഥാനം/കേന്ദ്രഭരണപ്രദേശം തിരിച്ച്): ആന്ധ്രാപ്രദേശ് -12, അസം -5, ചത്തീസ്ഗഢ് -6, ഗുജറാത്ത് -5, ഹിമാചല്‍ പ്രദേശ് -3, ജമ്മു&കശ്മീര്‍ -1, കര്‍ണാടക -38, മധ്യപ്രദേശ് -12, മഹാരാഷ്ട്ര -53, പുതുച്ചേരി -1, സിക്കിം -1, തമിഴ്നാട് -10, തെലങ്കാന -31, ഉത്തര്‍പ്രദേശ് -17, പശ്ചിമബംഗാള്‍ -5.
യോഗ്യത: ഏതെങ്കിലും വിഷയത്തിലുള്ള ബിരുദവും കംപ്യൂട്ടര്‍ പരിജ്ഞാനവും (കംപ്യൂട്ടര്‍ ഓപ്പറേഷന്‍സില്‍ സര്‍ട്ടിഫിക്കറ്റ്/ഡിപ്ലോമ/ഡിഗ്രി. അല്ലെങ്കില്‍ കംപ്യൂട്ടര്‍/ഐ.ടി. സ്‌കൂള്‍ തലത്തിലോ കോളേജ് തലത്തിലോ പഠിച്ചിരിക്കണം). ശമ്പളം: 32,000-35,000 രൂപ. പ്രായം: 21 - 28

ഓണ്‍ലൈന്‍ പരീക്ഷയുടെയും അഭിമുഖത്തിന്റെയും അടിസ്ഥാനത്തിലാവും തിരഞ്ഞെടുപ്പ്. പരീക്ഷ: കൊച്ചി, തിരുവനന്തപുരം, കണ്ണൂര്‍, കൊല്ലം, കോട്ടയം, കോഴിക്കോട്, തൃശ്ശൂര്‍ എന്നിവയാണ് കേരളത്തിലെ പരീക്ഷാകേന്ദ്രങ്ങള്‍. രണ്ടുമണിക്കൂര്‍ ദൈര്‍ഘ്യമുള്ള പരീക്ഷ ഒബ്ജക്ടീവ്, മള്‍ട്ടിപ്പിള്‍ ചോയ്സ് മാതൃകയിലായിരിക്കും. അപേക്ഷാ ഫീസ്: 800 രൂപ.(18% ജി.എസ്.ടിയുണ്ടായിരിക്കും). ഓണ്‍ലൈനായി ഫീസടയ്ക്കണം. അപേക്ഷ: ഓണ്‍ലൈനായി അപേക്ഷിക്കണം. വിശദവിവരങ്ങള്‍ക്കും അപേക്ഷിക്കുന്നതിനുമുള്ള വെബ്സൈറ്റ്: www.lichousing.com. അപേക്ഷ സ്വീകരിക്കുന്ന അവസാന തീയതി: ഓഗസ്റ്റ് 14.