ലക്ഷങ്ങള്‍ ശമ്പളമുള്ള ജോലി ഓഫറുമായി ദുബായില്‍ ആസ്ഥാനമായി പ്രവർത്തിക്കുന്ന കണ്‍സള്‍ട്ടിങ് ഏജന്‍സി. യു എ ഇയിലെ സമ്പന്നരായ കുടുംബങ്ങളിലേക്ക് ഹൗസ് മാനേജർമാരെയും വളർത്തുമൃഗങ്ങളെ നോക്കുന്നുവരേയുമാണ് കമ്പനി തേടുന്നത്. ഡയറ്റ് ഉള്‍പ്പെടേയുള്ള കാര്യങ്ങള്‍ നോക്കുന്ന പരിശീലകരേയും ആവശ്യമുണ്ട്.   അബുദാബിയിൽ പ്രൈവറ്റ് പേഴ്‌സണൽ അസിസ്റ്റൻ്റ് ജോലി ഒഴിവിളിക്കും ഇപ്പോൾ അപേക്ഷിക്കാം  

 ചില ജോലികൾക്ക് 45000 ദിർഹം വരെ പ്രതിഫലം ലഭിക്കും. അതായത് മാസം പത്ത് ലക്ഷം വരെ ഇന്ത്യന്‍ രൂപയായിരിക്കും ശമ്പളം. സ്വാകാര്യത ഉറപ്പ് വരുത്തേണ്ടതിനാല്‍ ജോലി സംബന്ധിച്ച എല്ലാകാര്യങ്ങളും കമ്പനി പുറത്ത് വിടുന്നില്ല. മാമാ കൺസൾട്ടൻസിയുടെ സ്ഥാപകയായ ലിൻസെ കിൽബെയ്നാണ് തൻ്റെ സ്ഥാപനം റിക്രൂട്ട് ചെയ്യുന്ന ചില ജോലികളെ കുറിച്ച് വിശദീകരിച്ചത്.

കമ്പനി പ്രധാനമായും ശ്രദ്ധ കേന്ദ്രീകരിക്കുന്നത് വീട്ടുജോലിക്കാർ, മെറ്റേണിറ്റി നഴ്‌സുമാർ, ഗവർണസ്, ബട്ട്‌ലർമാർ, ഷെഫുകൾ, ഹൗസ് മാനേജർമാർ എന്നിവരിലാണ്. അടുത്തിടെ വളർത്തു മൃഗങ്ങളെ നോക്കുന്നവർ, അവയെ പരിശീലിപ്പിക്കുന്നവർ എന്നിവർക്ക് വേണ്ടിയുള്ള ആവശ്യങ്ങള്‍ വർധിച്ചിട്ടുണ്ട്" എന്നും  ലിൻസെ കിൽബെയെ  പറഞ്ഞു.

മിഡിൽ ഈസ്റ്റിലെയും ലോകമെമ്പാടുമുള്ള ഉയർന്ന വരുമാനമുള്ള വ്യക്തികൾക്കും (HNWI) സമ്പന്നരായ കുടുംബങ്ങൾക്കും ഉചിതരായ ജോലിക്കാരെ കണ്ടെത്തി നൽകുന്നത്തില്‍ ശ്രദ്ധേയമായ സ്ഥാപനങ്ങളില്‍ ഒന്നാണ് മാമാ കൺസൾട്ടൻസി. ഈ ജോലികള്‍ക്കുള്ള ശമ്പളം ജോലിയുടെ സ്ഥലത്തെയും സ്വഭാവത്തെയും അടിസ്ഥാനമാക്കി വ്യത്യാസപ്പെടുന്നുവെന്നും  സ്ഥാപനത്തിന്റെ അധികൃതർ വ്യക്തമാക്കുന്നു.

 കുട്ടികളെ നോക്കുന്നവർക്ക് പ്രതിമാസം 20000 ദിർഹം മുതൽ പ്രതിമാസം 30000 ദിർഹം വരെയാണ് ശമ്പളം, ഹൗസ്, എസ്റ്റേറ്റ് മാനേജർമാർ എന്നിവർക്ക് സാധാരണയായി ഉയർന്ന ശമ്പളം ലഭിക്കും. റോൾ, ജോലിയുടെ വ്യാപ്തി, സ്ഥാനം എന്നിവയെ ആശ്രയിച്ച് 30,000 ദിർഹം മുതൽ 45,000 ദിർഹം വരെ ശമ്പളം ആവശ്യപ്പെടാം. ഉദാഹരണത്തിന്, സൗദിയിൽ, തൊഴിലുടമകൾ സാധാരണയായി വളരെ ഉദാരമതികളാണ്. ഉയർന്ന വിദ്യാഭ്യാസമുള്ള, മികച്ച പരിശീലനം നേടിയ പ്രൊഫഷണലുകൾക്ക് വേണ്ടി എത്രയും തുക ചിലവഴിക്കാന്‍ അവർ തയ്യാറാണ്"  അതുകൊണ്ടു തന്നെ സൗദിയിൽ ഇത്തരം ജോലികൾക്ക് നല്ല ഡിമാൻഡും ശമ്പളവും ഉണ്ട്

സമ്പന്നരായ കുടുംബങ്ങളിലേക്ക് ആളുകളെ നിയമിക്കുമ്പോള്‍ കമ്പനി നേരിടുന്ന പ്രധാന വെല്ലുവിളികളിൽ ഒന്ന് സ്വകാര്യതയും വിവേചനാധികാരവും ഉറപ്പാക്കുകയാണ് .  എല്ലാ ജോലികളും പരസ്യപ്പെടുത്താനാകില്ല . ഇത്തരം ജോലികള്‍ക്കായി കമ്പനി നേരിട്ടാണ്  ഉദ്യോഗാർത്ഥികളെ തിരഞ്ഞെടുക്കുന്നത് .

യു എ ഇക്ക് സവിശേഷമായ ഒരു ഗാർഹിക തൊഴിലാളി ലാൻഡ്‌സ്‌കേപ്പ് ഉണ്ട്. നിർദ്ദിഷ്‌ട ഔപചാരിക യോഗ്യതകളും അനുഭവപരിചയവുമുള്ള ഒരു പ്രൊഫഷണലിനെ കണ്ടെത്തുക എന്നത് വളരെയേറെ ബുദ്ധിമുട്ടേറിയ കാര്യമാണ്. ഉദാഹരണത്തിന്, യു എ ഇയിലെ ഒരു നാനിയുടെ ചുമതലകള്‍ യൂറോപ്പിലെ ഒരു നാനിയിൽ നിന്ന് വളരെ വ്യത്യസ്തമാണെന്നും അവർ ചൂണ്ടിക്കാട്ടുന്നു.

അബുദാബിയിൽ  പ്രൈവറ്റ് പേഴ്‌സണൽ അസിസ്റ്റൻ്റ് ജോലി ഒഴിവുണ്ട് ..അബുദാബിയിലെ ഒരു വിഐപി ക്ലയൻ്റ് വ്യക്തിപരവും ബിസിനസ്സ് കാര്യങ്ങളുടെ വിവിധ വശങ്ങൾ കൈകാര്യം ചെയ്യുന്നതിനും ഏകോപിപ്പിക്കുന്നതിനുമായി പ്രൈവറ്റ് പേഴ്‌സണൽ അസിസ്റ്റൻ്റ് നെ നിയമിക്കുന്നു .. കുടുംബകാര്യങ്ങൾ, ഒന്നിലധികം ബിസിനസ്സ് താൽപ്പര്യങ്ങൾ, ജീവകാരുണ്യ പ്രവർത്തനങ്ങൾ എന്നിവഎല്ലാം  കൈകാര്യം ചെയ്യേണ്ടതുണ്ട് . കൂടാതെ  യാത്ര ചെയ്യാനും വ്യത്യസ്ത സമയങ്ങളിൽ ജോലിചെയ്യാനുമുള്ള സന്നദ്ധത ഉണ്ടായിരിക്കണം .ഫ്ലൈറ്റുകളും താമസ സൗകര്യങ്ങളും വിശദമായ യാത്രാപരിപാടികളും ഉൾപ്പെടെ എല്ലാ യാത്രാ ക്രമീകരണങ്ങളും ചെയ്തു കൊടുക്കണം

ഇമെയിലുകൾ, ഫോൺ കോളുകൾ, പ്രധാന പങ്കാളികളുമായുള്ള കത്തിടപാടുകൾ, ഫാമിലി ലോജിസ്റ്റിക്സ്, ഇവൻ്റുകൾ ആസൂത്രണം ചെയ്യൽ, ആവശ്യാനുസരണം ഗാർഹിക ജീവനക്കാരെ നിയന്ത്രിക്കൽ ,ഡോക്യുമെൻ്റുകൾ തയ്യാറാക്കി, മീറ്റിംഗുകൾ ഷെഡ്യൂൾ ചെയ്തും, വിവിധ ബിസിനസ്സ് പങ്കാളികളുമായി ആശയവിനിമയം നടത്തുന്നതുമെല്ലാം പേഴ്സണൽ അസ്സിസ്റ്റന്റിന്റെ ജോലി ആണ്

 മികച്ച ഓർഗനൈസേഷണൽ, ടൈം മാനേജ്മെൻ്റ് കഴിവുകൾ, ഫലപ്രദമായി മുൻഗണന നൽകാനുള്ള കഴിവ് എന്നിവ ആവശ്യമാണ് . മികച്ച ശമ്പളത്തിന് പുറമെ   ആരോഗ്യ ഇൻഷുറൻസ്, യാത്രാ അലവൻസുകൾ എന്നിവയുൾപ്പെടെയുള്ള ധാരാളം ആനുകൂല്യങ്ങൾ ഉണ്ടായിരിക്കും .
 
താൽപ്പര്യമുള്ള ഉദ്യോഗാർത്ഥികൾ വിശദമായ CV ഇവിടെ സമർപ്പിക്കണം: https://recruitcrm.io/apply/17180114775440063221UGY