പൊതുമേഖലയിലെ ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യ വിവിധ സോണുകളില്‍ ഡയറക്ട് സെയില്‍സ് എക്‌സിക്യൂട്ടീവ് ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു. മൊത്തം 12529 ഒഴിവുകള്‍. ഇതില്‍ കേരളം ഉള്‍പ്പെടുന്ന ദക്ഷിണമേഖലയില്‍ 1815 ഒഴിവുകളുണ്ട്. ഓണ്‍ലൈന്‍ വഴിയാണ് അപേക്ഷിക്കേണ്ടത്. വെബ്: www. licindia.in. അവസാനതീയതി: ഡിസംബര്‍ 28. ബിരുദമാണ് അടിസ്ഥാനയോഗ്യത. മാര്‍ക്കറ്റിങ്ങിലോ മാനേജ്‌മെന്റിലോ ബിരുദം/ഡിപ്ലോമ ഉള്ളവര്‍ക്ക് മുന്‍ഗണന. പ്രായം: 21-35.

മൂന്നുവര്‍ഷത്തെ കരാര്‍നിയമനമാണ്. ഏതെങ്കിലും ഒരുസോണിലെ ഒരു ഡിവിഷനിലേക്കുമാത്രം അപേക്ഷിക്കുക. കേരളത്തില്‍ തിരുവനന്തപുരം, കോട്ടയം, എറണാകുളം, തൃശ്ശൂര്‍, കോഴിക്കോട് ഡിവിഷനുകളിലായി 480 ഒഴിവുകളുണ്ട്. അപേക്ഷാഫീസ്: 100 രൂപ. എഴുത്തുപരീക്ഷ, ഇന്റര്‍വ്യൂ, വൈദ്യപരിശോധന എന്നിവയുടെ അടിസ്ഥാനത്തിലാവും നിയമനം.