കേരള എന്‍ജിനിയറിംഗ്‌, മെഡിക്കല്‍ പ്രവേശന പരീക്ഷകള്‍ ഇന്ന്‌ മുതല്‍ 23 വരെ നടക്കും. സംസ്ഥാനത്തെ 327 കേന്ദ്രങ്ങളിലും ഡല്‍ഹിയിലെ രണ്ടും, മുംബയ്‌, റാഞ്ചി ദുബായ്‌ എന്നിവിടങ്ങളിലെ ഓരോ കേന്ദ്രത്തിലുമാണ്‌ പരീക്ഷകള്‍ നടക്കുക. എന്‍ജിനീയറിംഗ്‌ പ്രവേശന പരീക്ഷകള്‍ ഇന്നും, നാളെയും രാവിലെ 10 മുതല്‍ 12.30 വരെയാണ്‌. മെഡിക്കല്‍ പ്രവേശന പീക്ഷകള്‍ 23ന്‌ 10 മുതല്‍ 12.30 വരെയും അന്ന്‌ തന്നെ ഉച്ചയ്‌ക്ക്‌ ശേഷം 2.30 മുതല്‍ 5 വരെയാണ്‌. എന്‍ജിനീയറിംഗ്‌ പരീക്ഷയെഴുതുന്ന 1,19,025 പേരില്‍ 61,671 ആണ്‍കുട്ടികളും 1,02,450 പെണ്‍കുട്ടികളുമുണ്ട്‌. 23ന്‌ വൈകിട്ട്‌ ആറിന്‌ എല്ലാ പരീക്ഷകളുടെയും ഉത്തര സൂചികകള്‍ പ്രവേശന പരീക്ഷാ കമ്മിഷണറുടെ വെബ്‌സൈറ്റില്‍ പ്രസിദ്ധീകരിക്കും.