രാജ്യത്തെ വിവിധ ബാങ്കിങ് സ്ഥാപനങ്ങളിലേക്ക് ക്ളര്‍ക്കുമാരെ (CWE-clerk-VII ) തെരഞ്ഞെടുക്കാന്‍ ഇന്‍സ്റ്റിറ്റ്യൂട്ട് ഓഫ് ബാങ്കിങ് പേഴ്സണല്‍ സെലക്ഷന്‍ (IBPS) വിജ്ഞാപനമായി. രാജ്യത്താകെ ഉള്ള 7883 ഒഴിവുകളിൽ കേരളത്തില്‍ 217 ഒഴിവുകളാണുള്ളത്.

ഓൺലെനായാണ് പരീക്ഷക്ക് രജിസ്റ്റര്‍ ചെയ്യേണ്ടത് .രജിസ്റ്റര്‍ ചെയ്യാനുള്ള അവസാന തിയതി ഒക്ടോബര്‍ മൂന്ന് ആണ് .

പ്രിലിമിനറി പരീക്ഷ ഡിസംബര്‍ 2, 3, 9, 10 തിയതികളിലായിരിക്കും. മെയിന്‍ പരീക്ഷ 2018 ജനുവരി 21നാണ്. തിരുവനന്തപുരം, കൊല്ലം, ആലപ്പുഴ, കോട്ടയം, കൊച്ചി, തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍ എന്നിവിടങ്ങളിലാണ് പരീക്ഷാ കേന്ദ്രങ്ങള്‍.

പ്രായപരിധി: 20-28. എസ്സി/എസ്ടിക്ക് അഞ്ച് വര്‍ഷവും ഒബിസിക്ക് മൂന്ന് വര്‍ഷവും പിഡബ്ള്യുഡിക്ക് (Persons With Disabilities) പത്തു വര്‍ഷവും വയസ്സിളവുണ്ട്. വിമുക്തഭടന്മാര്‍ക്കും വയസ്സിളവുണ്ട്.

യോഗ്യത: ഏതെങ്കിലും വിഷയത്തിലുള്ള ബിരുദം. കംപ്യൂട്ടര്‍ പരിചയവും കംപ്യൂട്ടര്‍ ഓപറേഷനില്‍ സര്‍ട്ടിഫിക്കറ്റ്/ഡിപ്ളോമ/ഡിഗ്രിയും സ്കൂളില്‍ ഇന്‍ഫര്‍മേഷന്‍ ടെക്നോളജി ഒരു വിഷയമായും പഠിച്ചിരിക്കണം. അപേക്ഷിക്കുന്ന സംസ്ഥാനത്തിലെയോ കേന്ദ്രഭരണപ്രദേശത്തിലെയോ ഔദ്യോഗിക ഭാഷ വായിക്കാനും എഴുതാനും സംസാരിക്കാനുമറിയണം.

ഓണ്‍ലൈനില്‍ രജിസ്റ്റര്‍ ചെയ്യുമ്പോള്‍ മാര്‍ക്ക് ഷീറ്റ്/ഡിഗ്രി സര്‍ട്ടിഫിക്കറ്റ് എന്നിവ രേഖപ്പെടുത്തണം. എസ്സി, എസ്ടി, പിഡബ്ള്യുഡി, വിമുക്തഭടന്മാര്‍ നൂറുരൂപയും മറ്റുള്ളവര്‍ 600 രൂപയുമാണ് ഫീസടയ്ക്കേണ്ടത്. മറ്റുചാര്‍ജുകളുണ്ടെങ്കില്‍ അപേക്ഷകര്‍ അതും വഹിക്കണം.

പ്രിലിമിനറി പരീക്ഷയില്‍ 100 ചോദ്യങ്ങളാണുള്ളത്. ഓരോന്നിനും ഓരോ മാർക്ക് വീതം.
ഇംഗ്ളീഷ്-30, ന്യൂമറിക്കല്‍ എബിലിറ്റി-35, റീസണിങ്-35 എന്നിങ്ങനെയാണ് ചോദ്യങ്ങള്‍.

പ്രധാന പരീക്ഷക്ക് 160 മിനിറ്റില്‍ 200 മാര്‍ക്കിന്റെ ചോദ്യങ്ങള്‍ക്ക് ഉത്തരം നല്‍കണം. ജനറല്‍/ഫിനാന്‍ഷ്യല്‍-50, ജനറല്‍ ഇംഗ്ളീഷ്- 50, റീസണിങ് ആന്‍ഡ് കംപ്യൂട്ടര്‍ ആപ്റ്റിറ്റ്യൂഡ്-50, ക്വാന്‍ഡിറ്റേറ്റീവ് ആപ്റ്റിറ്റ്യൂഡ്-50 എന്നിങ്ങനെ ആകെ 190 ഒബ്ജക്ടീവ് ചോദ്യങ്ങളുണ്ടാകും. വിവിധ സംസ്ഥാനങ്ങളിലെ ഒഴിവുകളും പരീക്ഷ സംബന്ധിച്ച വിശദവിവരങ്ങളും www.ibps.in എന്ന വെബ്സൈറ്റിൽ ലഭ്യമാണ്.