അവിവാഹിതരായ പുരുഷന്മാർക്ക് ബിഎസ്‌എഫിൽ കോൺസ്‌റ്റബിൾ (ട്രേഡ്‌സ്‌മെൻ) തസ്‌തികയിലേക്ക് അപേക്ഷിക്കാം. 1074 ഒഴിവുകളാണുള്ളത്. എംപ്ലോയ്മെന്റ് ന്യൂസിൽ വിജ്ഞാപനം പ്രസിദ്ധീകരിച്ച് 30 ദിവസത്തിനുള്ളിൽ തന്നെ അപേക്ഷിച്ചിരിക്കണം. തസ്തികയുടെ പേരും ഒഴിവുകളുടെ എണ്ണവും ചുവടെ.
കോൺസ്‌റ്റബിൾ (കോബ്ലർ)– 67,
കോൺസ്‌റ്റബിൾ (ഡ്രാഫ്‌റ്റ്‌സ്‌മാൻ)– 1,
കോൺസ്‌റ്റബിൾ (പെയിന്റർ) – 5,
കോൺസ്‌റ്റബിൾ (ബാർബർ)– 85,
കോൺസ്‌റ്റബിൾ (സ്വീപ്പർ)– 212,
കോൺസ്‌റ്റബിൾ (വെയ്‌റ്റർ)– 27,
കോൺസ്‌റ്റബിൾ (വാട്ടർ കാരിയർ)– 177,
കോൺസ്‌റ്റബിൾ (മാലി)–1,
കോൺസ്‌റ്റബിൾ (ഖോജി)–6
കോൺസ്‌റ്റബിൾ (കാർപന്റർ)– 2 എന്നിങ്ങനെയാണ് ഒഴിവുകൾ.
പ്രായം 23 വയസു കവിയാൻ പാടില്ല. 2017 ഓഗസ്‌റ്റ് 1 അടിസ്‌ഥാനമാക്കിയാണ് പ്രായം കണക്കാക്കുന്നത്.
പത്താം ക്ലാസ് ജയം/ തത്തുല്യം ആണ് യോഗ്യത. കൂടാതെ ബന്ധപ്പെട്ട ട്രേഡിൽ രണ്ടു വർഷം പ്രവൃത്തിപരിചയവും. അല്ലെങ്കിൽ ഐടിഐ/ വൊക്കേഷനൽ കോഴ്‌സിൽ നിന്നുള്ള സർട്ടിഫിക്കറ്റും ബന്ധപ്പെട്ട ട്രേഡിൽ ഒരു വർഷം പ്രവൃത്തിപരിചയവും. അല്ലെങ്കിൽ ഐടിഐ/ സമാന ട്രേഡിൽ ദ്വിവൽസര ഡിപ്ലോമ എന്നിവ അഭിലഷണീയം.
ശാരീരിക യോഗ്യത:
ഉയരം: 167.5 സെമീ. നെഞ്ചളവ്: 78–83 സെമീ. തൂക്കം ഉയരത്തിനും പ്രായത്തിനും ആനുപാതികം. എസ്‌ടി വിഭാഗത്തിന് ഉയരം: 162.5 സെമീ നെഞ്ചളവ്: 76–81 സെമീ മതിയാകും.
എഴുത്തുപരീക്ഷ, ട്രേഡ് ടെസ്‌റ്റ്, ശാരീരിക അളവു പരിശോധന, ശാരീരികക്ഷമതാ പരിശോധന, വൈദ്യപരിശോധന എന്നിവയുടെ അടിസ്ഥാനത്തിൽ ആണ് തെരെഞ്ഞെടുപ്പ് .
www.bsf.nic.in എന്ന വെബ്‌സൈറ്റിൽ നിന്നു അപേക്ഷ ഫോം ഡൌൺലോഡ് ചെയ്തു ഉപയോഗിക്കാവുന്നതാണ്. പൂരിപ്പിച്ച അപേക്ഷയോടൊപ്പം അഡ്‌മിറ്റ് കാർഡും പാസ്‌പോർട്ട് സൈസ് ഫോട്ടോയും രേഖകളും സഹിതം അയയ്‌ക്കണം. കൂടുതൽ വിവരങ്ങൾക്ക് www.bsf.nic.in എന്ന വെബ്‌സൈറ്റ് കാണുക.