യൂണിയന്‍ പബ്ലിക് സര്‍വീസ് കമ്മിഷന്‍ (യു.പി.എസ്.സി.) എന്‍ജിനീയറിങ് സര്‍വീസ് പരീക്ഷയ്ക്ക് 2018 വിജ്ഞാപനം പുറപ്പെടുവിച്ചു. മെക്കാനിക്കല്‍ എന്‍ജിനീയറിങ്, ഇലക്ട്രോണിക്‌സ് ആന്‍ഡ് ടെലികമ്യൂണിക്കേഷന്‍ എന്‍ജിനീയറിങ്, സിവില്‍ എന്‍ജിനീയറിങ്, ഇലക്ട്രിക്കല്‍ എന്‍ജിനീയറിങ് എന്നീ തസ്‌തകകളിലായി 588 ഒഴിവുകളുണ്ട്.

ഉയർന്ന പ്രായപരിധി 30 വയസ്സാണ്. എസ്.സി./എസ്.ടി. വിഭാഗക്കാര്‍ക്ക് അഞ്ചും ഒ.ബി.സി.ക്കാര്‍ക്ക് മൂന്നും അംഗപരിമിതര്‍ക്ക് പത്തും വര്‍ഷം പ്രായപരിധിയിൽ ഇളവുലഭിക്കും.

യോഗ്യത: അംഗീകൃത എന്‍ജിനീയറിങ് ബിരുദം അല്ലെങ്കില്‍ ഇന്‍സ്റ്റിറ്റിയൂഷന്‍ ഓഫ് എന്‍ജിനീയേഴ്‌സ് ഇന്ത്യ നടത്തുന്ന പരീക്ഷയുടെ സെക്ഷന്‍ എ, ബി എന്നിവ പാസായിരിക്കണം അല്ലെങ്കില്‍ സര്‍ക്കാര്‍ അംഗീകൃത വിദേശ യൂണിവേഴ്‌സിറ്റി/കോളേജ്/സ്ഥാപനത്തില്‍ നിന്നുമുള്ള എന്‍ജിനീയറിങ് ഡിഗ്രി/ഡിപ്ലോമ അല്ലെങ്കില്‍ ഇന്‍സ്റ്റിറ്റ്യൂട്ട് ഓഫ് ഇലക്ട്രോണിക്‌സ് ആന്‍ഡ് ടെലികമ്യൂണിക്കേഷന്‍ എന്‍ജിനീയേഴ്‌സ് ഇന്ത്യയുടെ ഗ്രാജ്വേറ്റ് മെമ്പര്‍ഷിപ് പരീക്ഷാഅല്ലെങ്കില്‍ ഏറോനോട്ടിക്കല്‍ സൊസൈറ്റി ഓഫ് ഇന്ത്യയുടെ അസോസിയേറ്റ് മെമ്പര്‍ഷിപ്പ് (Examination parts II and III/Section A and B) അല്ലെങ്കില്‍ ഇന്‍സ്റ്റിറ്റിയൂഷന്‍ ഓഫ് ഇലക്ട്രോണിക്‌സ് ആന്‍ഡ് റേഡിയോ എന്‍ജിനീയേഴ്‌സിന്റെ ഗ്രാജ്വേറ്റ് മെമ്പര്‍ഷിപ്പ് പരീക്ഷാ വിജയിച്ചവരാകണം. അവസാന വർഷ വിദ്യാർത്ഥികൾക്കും അപേക്ഷിക്കാം. ഇവര്‍ യു.പി.എസ്.സി. നിര്‍ദേശിക്കുന്ന സമയത്തിനകം രേഖകള്‍ ഹാജരാക്കിയാൽ മതിയാകും.

200 രൂപയാണ് അപേക്ഷ ഫീസ്. വനിതകള്‍/എസ്.സി./എസ്.ടി./ഭിന്നശേഷിക്കാര്‍ എന്നിവർക്ക് ഫീസില്ല. www.upsconline.nic.in എന്ന വെബ്‌സൈറ്റിലൂടെ പാര്‍ട്ട് I പൂരിപ്പിച്ചാല്‍ ലഭിക്കുന്ന പേ സ്ലിപ് ഉപയോഗിച്ച് എസ്.ബി.ഐ.യുടെ ഏതെങ്കിലും ബ്രാഞ്ചിലൂടെ ഫീസടക്കാം.

ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: www.upsc.gov.in, www.upsconline.nic.in എന്ന വെബ്സൈറ്റ് സന്ദർശിക്കുക.