അധ്യാപക പ്രമോഷന് തീരുമാനം പത്തു ദിവസത്തിനുള്ളില്
യുപി, ഹൈസ്കൂള് അധ്യാപകരില് നിന്നു ഹയര് സെക്കന്ഡറി അധ്യാപകരായി പ്രമോഷന് ലഭിക്കുന്നതിന് അര്ഹതയുള്ളവരുടെ കാര്യത്തില് 10 ദിവസത്തിനുള്ളില് തീരുമാനം എടുക്കുന്നതിനു വിദ്യാഭ്യാസ സെക്രട്ടറിയുടെ അധ്യക്ഷതയില് ചേര്ന്ന യോഗം തീരുമാനിച്ചു.
ഇതിന്റെ ഭാഗമായി വകുപ്പുതല പ്രമോഷന് കമ്മിറ്റി (ഡിപിസി) യോഗം അടുത്തു തന്നെ ചേരും. എണ്ണൂറോളം അധ്യാപകരാണ് ആറു വര്ഷമായി പ്രമോഷന് ലഭിക്കാന് കാത്തിരിക്കുന്നത്. നിയമനം നടത്തണമെന്ന് ആവശ്യപ്പെട്ട് ഇവര് ഹൈക്കോടതിയെ സമീപിച്ച് അനുകൂല വിധി നേടിയിരുന്നു.
നിയമനം സംബന്ധിച്ച നടപടികള് അന്തിമ ഘട്ടത്തിലാണെന്നും ഈ അധ്യയനവര്ഷം തന്നെ നിയമനം നല്കുമെന്നും ഹയര് സെക്കന്ഡറി അധികൃതര് അറിയിച്ചു. ഇവര്ക്കായി നീക്കിവച്ച ഒഴിവുകള് ഇവര്ക്കു തന്നെ ലഭിക്കും. ഡിപിസി കൂടിയാലുടന് ഇതു സംബന്ധിച്ച നടപടി ഉണ്ടാകുമെന്നും ഡിപിസി എന്നു കൂടണമെന്നു പിഎസ്സിയോടു ചോദിച്ചിരിക്കുകയാണെന്നും അധികൃതര് അറിയിച്ചു.
https://www.facebook.com/Malayalivartha
