പോലീസ് കോണ്‍സ്റ്റബളിന്റെ റിക്രൂട്ട്‌മെന്റില്‍ അടിമുടി മാറ്റങ്ങൾ വരുത്തിക്കൊണ്ടുള്ള സർക്കാർ ഉത്തരവിറങ്ങി. കോൺസ്റ്റബിൾ ആകാൻ എസ്.എസ്.എൽ.സി ആയിരുന്നു യോഗ്യത. എന്നാൽ ഇനി പ്ലസ്ടുകാർക്കുമാത്രമേ ഈ തസ്തികയിലേക്ക് അപേക്ഷിക്കുവാൻ കഴിയുകയുള്ളു.

നേരത്തെ കോണ്‍സ്റ്റബിളാകാനുള്ള കൂടിയ പ്രായം 25 വയസായിരുന്നു. ഇത് 26 ആക്കി വര്‍ദ്ധിപ്പിച്ചിട്ടുണ്ട്. ഉയരം പുരുഷന്മാര്‍ക്ക് 167 സെന്റീമീറ്ററില്‍ നിന്നും 168 സെന്റീമീറ്റര്‍ ആക്കിയും ഉയര്‍ത്തി. വനിതകള്‍ക്ക്, 152 സെന്റീമീറ്ററില്‍ നിന്നും 157 സെന്റീമീറ്റര്‍ ആക്കിയാണ് ഉയര്‍ത്തിയിട്ടുള്ളത്.

ഇതൊക്കെയാണ് റിക്രൂട്ട്‌മെന്റില്‍ വരുത്തിയ മറ്റ് ചില മാറ്റങ്ങൾ. സർക്കാരിന്റെ ഈ ഉത്തരവുപ്രകാരമായിരിക്കും അടുത്ത പിഎസ്‌സി നോട്ടിഫിക്കേഷന്‍ വരിക.