എയർ ഇന്ത്യയിൽ 500 കാബിൻ ക്രൂ ഒഴിവുകളിലേക്ക് ഇപ്പോൾ അപേക്ഷിക്കാം.
എയർ ഇന്ത്യയുടെ ഡൽഹി ആസ്ഥാനമായ നോർത്തേൺ റീജണിൽ 450 കാബിൻ ക്രൂ ഒഴിവും മുംബൈ ആസ്ഥാനമായ വെസ്റ്റേൺ റീജണിൽ 50 ഒഴിവുമുണ്ട്.
അവിവാഹിതരായ സ്ത്രീകൾക്കും പുരുഷൻമാർക്കും അപേക്ഷിക്കാം. തുടക്കത്തിൽ അഞ്ചുവർഷത്തേക്കുള്ള കരാറിൽ ആയിരിക്കും നിയമനം. ഏതെങ്കിലും ഒരു റീജണിലേക്കു മാത്രമേ അപേക്ഷിക്കാൻ സാധിക്കൂ. റീജൺ തെരഞ്ഞെടുത്തു കഴിഞ്ഞാൽ പിന്നെ മാറാൻ സാധിക്കുകയില്ല.
പ്രായം: 2018 മാർച്ച് 12ന് 18 നും 35 നും ഇടയിൽ. എസ്സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും.
യോഗ്യത: ഗവ. അംഗീകൃത ബോർഡ്/ സർവകലാശാലയിൽനിന്നുള്ള പ്ലസ് ടു . കുറഞ്ഞത് ഒരു വർഷം കാബിൻ ക്രൂ ജോലിയിൽ പരിചയം. എയർബസ്/ബോയിംഗ് ഫാമിലി എയർക്രാഫ്റ്റുമായി ബന്ധപ്പെട്ട സാധുവായ എസ്ഇപി ഉണ്ടായിരിക്കണം.
വിദേശ എയർലൈനുകളിൽ ജോലി പരിചയമുള്ളവർക്ക് എസ്ഇപിക്ക് പകരമുള്ള രേഖകൾ നൽകിയാൽ മതി.
ശാരീരിക യോഗ്യത:
ഉയരം: സ്ത്രീകൾക്ക് കുറഞ്ഞത് 160 സെമീ. പുരുഷൻമാർക്ക് 170 സെമീ. (എസ്സി, എസ്ടി വിഭാഗക്കാർക്ക് 2.5 സെമീ വരെ ഇളവുണ്ട്. ഉയരത്തിന് ആനുപാതികമായ തൂക്കം ഉണ്ടായിരിക്കണം.
അപേക്ഷാ ഫീസ്: 1000 രൂപ. (എസ്സി, എസ്ടി വിഭാഗക്കാർക്ക് ഫീസ് ബാധകമല്ല). AIR INDIA LIMITED എന്ന വിലാസത്തിൽ ഡൽഹി/മുംബൈയിൽ മാറാവുന്ന ഡിഡിയായി ഫീസ് അടയ്ക്കാം. ഡിഡി സംബന്ധമായ വിവരങ്ങൾ ഒാൺലൈൻ അപേക്ഷയിൽ ചേർക്കണം.
ശാരീരിക ക്ഷമതാ പരിശോധന, എഴുത്തു പരീക്ഷ എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്.
വിശദവിവരങ്ങൾക്ക് www.airindia.in എന്ന വെബ്സൈറ്റ് സന്ദർശിക്കുക.
അപേക്ഷിക്കേണ്ട വിധം: മേൽപ്പറഞ്ഞ വെബ്സൈറ്റിലെ വിജ്ഞാപനം വായിച്ചുമനസിലാക്കിയശേഷം ഇതേ വെബ്സൈറ്റ് വഴി ഒാൺലൈനായി അപേക്ഷ സമർപ്പിക്കുക. പാസ്പോർട്ട് സൈസ് ഫോട്ടോ, മെഡിക്കൽ സർട്ടിഫിക്കറ്റ് തുടങ്ങിയവ അപ്ലോഡ് ചെയ്യണം. അവസാന തീയതി മാർച്ച് 12.
https://www.facebook.com/Malayalivartha