ഭാരത് ഹെവി ഇലക്ട്രോണിക്സ് ലിമിറ്റഡില്‍ എന്‍ജിനീയര്‍ ട്രെയിനി തസ്തികയില്‍ അപേക്ഷിക്കാം. 2018 ഗേറ്റ് പരീക്ഷയുടെ അടിസ്ഥാനത്തിലാണ് തിരഞ്ഞെടുപ്പ് നടത്തുക.ആകെ 50 ഒഴിവുകളാണുള്ളത്. ഓണ്‍ലൈനായി അപേക്ഷിക്കാവുന്ന അവസാന തീയതി മാര്‍ച്ച്‌ 12.
യോഗ്യത: മെക്കാനിക്കല്‍/ ഇലക്‌ട്രിക്കല്‍ വിഭാഗത്തില്‍ എഞ്ചിനീയറിംഗ് / ടെക്നോളജിയില്‍ ഫുള്‍ ടൈം ബിരുദം. അല്ലെങ്കില്‍ അഞ്ചു വര്‍ഷത്തെ ഇന്റെഗ്രേറ്റഡ് മാസ്റ്റര്‍ ബിരുദം, അല്ലെങ്കില്‍ എന്‍ജിനീയറിങ്/ ടെക്നോളജിയില്‍ ഡ്യുവല്‍ ഡിഗ്രി പ്രോഗ്രാം.
പ്രായപരിധി:
2017 സെപ്റ്റംബർ ഒന്ന് അടിസ്ഥാനമാക്കി പ്രായം കണക്കാക്കും. എന്‍ജിനീയറിങ്/ ടെക്നോളജി ബിരുദക്കാര്‍ക്ക് 27 വയസ്സും(1990സെപ്റ്റംബർ ഒന്നിനു മുൻപ് ജനിച്ചവർ അപേക്ഷിക്കാന്‍ യോഗ്യരല്ല) എന്‍ജിനീയറിങ്/ ബിസിനസ്സ് അഡ്മിനിസ്ട്രേഷന്‍/ മാനേജ്മെന്റില്‍ രണ്ടു വര്‍ഷത്തെ ഫുള്‍ടൈം പിജി ബിരുദമുള്ളവര്‍ക്ക് 29 വയസ്സുമാണ് പ്രായപരിധി. പട്ടിക വിഭാഗത്തിന് അഞ്ചും ഒബിസി നോണ്‍ക്രീമിലെയര്‍കാര്‍ക്കു മൂന്നും വര്‍ഷം ഉയര്‍ന്ന പ്രായപരിധിയില്‍ ഇളവു ലഭിക്കും. അര്‍ഹരായവര്‍ക്കു ചട്ടപ്രകാരമുള്ള ഇളവുകളും ലഭിക്കും.
തിരഞ്ഞെടുപ്പ്: ഗേറ്റ് 2018-ലെ സ്കോര്‍ അടിസ്ഥാനമാക്കി അപേക്ഷകരെ ഷോര്‍ട്ട് ലിസ്റ്റു ചെയ്യും. തുടര്‍ന്ന് ഇന്റര്‍വ്യൂവിലൂടെ തിരഞ്ഞെടുക്കും. ബന്ധപ്പെട്ട വിഷയത്തിനു ബാധകമായ ഗേറ്റ് പേപ്പറുകളും കോഡും വെബ്സൈറ്റില്‍ ലഭ്യമാണ്.
വിശദവിവരങ്ങള്‍ക്ക് www.career.bhel.in എന്ന വെബ്സൈറ്റ് സന്ദര്‍ശിക്കുക.
ശമ്പളം : തിരഞ്ഞെടുക്കുന്നവര്‍ക്ക് ഒരു വര്‍ഷത്തെ പരിശീലനം ഉണ്ടാകും 20 ,600-46 ,500 രൂപ ശമ്പളനിരക്കിൽ അടിസ്ഥാന ശമ്പളം ലഭിക്കും. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് 24 ,900-50 ,500 രൂപ ശമ്പള നിരക്കില്‍ എന്‍ജിനീയര്‍ തസ്തികയില്‍ നിയമനവും മറ്റാനുകൂല്യങ്ങളും ലഭിക്കും