​സെൻട്രൽ ഇൻഡസ്‌ട്രിയൽ സെക്യൂരിറ്റി ഫോഴ്‌സിൽ (സിഐഎസ്‌എഫ്) കോൺസ്‌റ്റബിൾ/ഡ്രൈവർ, കോൺസ്‌റ്റബിൾ/ഡ്രൈവർ കം പമ്പ് ഓപ്പറേറ്റർ(ഫയർ സർവീസ് ഡ്രൈവർ) തസ്തികകളിലേക്ക് അപേക്ഷ ക്ഷണിക്കുന്നു. ആകെ 447 ഒഴിവുകൾ ആണ് ഉള്ളത് .വിമുക്തഭടൻമാർക്കായി 10% ഒഴിവുകൾ സംവരണം ചെയ്തിട്ടുണ്ട്. താൽക്കാലിക നിയമനമാണ്. കോൺസ്‌റ്റബിൾ/ഡ്രൈവർ– 344 ഒഴിവ്, കോൺസ്‌റ്റബിൾ/ഡ്രൈവർ കം പമ്പ് ഓപ്പറേറ്റർ– 103 ഒഴിവ്.
യോഗ്യത: മെട്രിക്കുലേഷൻ ജയം/തത്തുല്യം.മൂന്ന് വർഷത്തെ പ്രവർത്തിപരിജയത്തോടുകൂടിയ ഹെവി മോട്ടോർ വെഹിക്കിൾ / ട്രാൻസ്പോർട്ട് വെഹിക്കിൾ, ലൈറ്റ് മോട്ടോർ വെഹിക്കിൾ, മോട്ടോർ സൈക്കിൾ വിത് ഗിയർ ഡ്രൈവിങ് ലൈസൻസും
പ്രായം: 21–27 വയസ്. പട്ടികജാതി/വർഗക്കാർക്ക് അഞ്ചും ഒബിസിക്ക് മൂന്നും വർഷം ഇളവുണ്ട്.ഉയർന്ന പ്രായപരിധിയിലുള്ള മറ്റിളവുകൾക്കു വെബ്‌സൈറ്റിലെ വിജ്‌ഞാപനം കാണുക. വിമുക്‌തഭടന്മാർക്ക് ഇളവ് ചട്ടപ്രകാരം. 2018 മാർച്ച് 19 അടിസ്ഥാനമാക്കി പ്രായം കണക്കാക്കും.
ശമ്പളം: 21700–69100 രൂപ.
ശാരീരിക യോഗ്യതയായി 167 സെമീ (എസ്‌ടിക്ക്: 160 സെമീ)ഉയരം, 80–85 സെമീ (എസ്‌ടിക്ക്: 76–81 സെമീ)നെഞ്ചളവ് , തൂക്കം: ആനുപാതികം.
കാഴ്‌ചശക്‌തി: ദൂരക്കാഴ്‌ച കാഴ്‌ചാസഹായികൾ കൂടാതെ 6/6, 6/6. വർണാന്ധതയോ നിശാന്ധതയോ കോങ്കണ്ണോ പാടില്ല. കൂട്ടിമുട്ടുന്ന കാൽമുട്ടുകൾ, പരന്ന പാദം, പിടച്ച ഞരമ്പുകൾ എന്നിവ അയോഗ്യതകളാണ്. ആരോഗ്യവാൻ ആയിരിക്കണം.
എഴുത്തുപരീക്ഷ, ട്രേഡ് ടെസ്‌റ്റ്, വൈദ്യപരിശോധന, എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്.
അപേക്ഷാ ഫീസ്: 100 രൂപ എസ്ബിഐ ചലാൻ സംവിധാനം ഉപയോഗിച്ചോ നെറ്റ് ബാങ്കിങ്/ ക്രെഡിറ്റ്/ ഡെബിറ്റ് കാർഡ് ഉപയോഗിച്ചോ ഫീസടയ്ക്കാം.
പട്ടികവിഭാഗക്കാർക്കും വിമുക്‌തഭടൻമാർക്കും ഫീസില്ല. മാർച്ച് 21നകം ചലാൻ സംവിധാനം ഉപയോഗിച്ച് ഫീസടയ്ക്കണം.
cisfrectt.in എന്ന ലിങ്ക് വഴി ഫെബ്രുവരി 19 മുതൽ ഓൺലൈനായി അപേക്ഷിക്കാം. വൺ ടൈം റജിസ്ട്രേഷനു ശേഷമാണ് അപേക്ഷിക്കേണ്ടത്. അപേക്ഷ സമർപ്പിച്ചതിനു ശേഷം ലഭിക്കുന്ന പ്രിന്റ് ഔട്ടും യോഗ്യത തെളിയിക്കുന്നതിനുള്ള സ്വയം സാക്ഷ്യപ്പെടുത്തിയ രേഖകളും സർട്ടിഫിക്കറ്റ് പരിശോധനാ സമയത്ത് ഹാജരാക്കണം. അപേക്ഷ സ്വീകരിക്കുന്ന അവസാന തീയതി: മാർച്ച് 19.
വിശദവിവരങ്ങൾക്കു www.cisfrectt.ഇൻ വെബ്സൈറ്റ് സന്ദർശിക്കുക .​