മലയാളി വാര്ത്ത
മെഗാ റിക്രൂട്ട്മെന്റിനൊരുങ്ങി ഇന്ത്യന് റെയിൽവേ. ഇന്ത്യൻ റെയില്വേയ്ക്ക് കീഴിലുള്ള വിവിധ വകുപ്പുകളിലേയ്ക്കായി 62 ,907 ഓളം തസ്തികളിലേയ്ക്കാണ് ഇന്ത്യൻ റെയിൽവേ നിയമനത്തിനൊരുങ്ങുന്നത്. നേരത്തെയുള്ള പ്രവണതകള്ക്ക് വിരുദ്ധമായി ഇന്ത്യൻ റെയിൽവേയ്ക്ക് കീഴിലുള്ള എല്ലാ സോണലുകളെയും ഉള്പ്പെടുത്തിക്കൊണ്ടാണ് അപേക്ഷ ക്ഷണിച്ചിട്ടുള്ളത്.
ഇന്ത്യന് റെയില്വേ (സെന്ട്രലൈസ്ഡ് എംപ്ലോയ്മെന്റ് നോട്ടീസ് നമ്പർ 02/2018) 62,907 ഒഴിവുകളിലേക്കാണ് അപേക്ഷ ക്ഷണിക്കുന്നത് . കഴിഞ്ഞ പത്ത് വർഷത്തിനിടെ ഇന്ത്യൻ റെയില്വേ ആദ്യമായാണ് എല്ലാ സോണലുകളിലേയും ഒഴിവുകള് ഒറ്റയടിക്ക് നികത്തുന്നതിനുള്ള നീക്കം നടത്തുന്നത്. റിക്രൂട്ടിംഗ് നടപടികൾ പൂര്ത്തിയാക്കി എളുപ്പം നിയമനം നടത്താനാണ് ഇന്ത്യന് റെയിൽവേയുടെ തീരുമാനം.
വിജ്ഞാപന പ്രകാരം അപേക്ഷിക്കാനുള്ള തിയതി നീട്ടി. അവസാനതിയതി മാര്ച്ച് 31ലേക്കാണ് നീട്ടിയത്.
പ്രായം: 18 - 33. യോഗ്യത: കുറഞ്ഞത് പത്താം ക്ലാസ്സ് ജയം/ ഐടിഐ(എന്സിവിടി)/എസ്സിവിടി/ നാഷണല് അപ്രന്റിസ്ഷിപ്പ് സര്ടിഫിക്കറ്റ്(എന്സിവിടി).
ട്രാക്ക് മെയിന്റനർ, ഗേറ്റ് മാന്, പോയിന്റ്സ് മാന്, ഇലക്ട്രിക്കൽ, മെക്കാനിക്കൽ, എൻജീനറിംഗ്, സിഗ്നല് ആന്ഡ് ടെലികമ്യൂണിക്കേഷൻ വിഭാഗങ്ങളിൽ സഹായി, പോർട്ടർമാർ എന്നീ തസ്തികകളിലേയ്ക്കാണ് വിജ്ഞാപനം പുറപ്പെടുവിച്ചിട്ടുള്ളത്.
18 വയസ്സിനും 31 വയസ്സിനും ഇടയിൽ പ്രായമുള്ളവര്ക്ക് മാത്രമായിരിക്കും ഈ തസ്തികകളിലേയ്ക്ക് അപേക്ഷിക്കാന് സാധിക്കുകയുള്ളൂ. ഒബിസിയ്ക്ക് മൂന്ന് വർഷവും, എസ് സി, എസ്ടി വിഭാഗങ്ങൾക്ക് അഞ്ച് വർഷം വരെയും ഇളവ് ലഭിക്കും. എസ്എസ്എല്സി, ഐടിഐ പാസായിരിക്കണം