രാജസ്ഥാനിലെ ജോധ്പുരിലുള്ള ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസില്‍ നഴ്സിങ് വിഭാഗത്തിലെ വിവിധ ഒഴിവുകളിലേക്ക് അപേക്ഷ ക്ഷണിക്കുന്നു. അസിസ്റ്റന്റ് നഴ്സിങ് സൂപ്രണ്ട്, സീനിയര്‍ നഴ്സിങ് ഓഫീസര്‍, നഴ്സിങ് ഓഫീസര്‍ എന്നീ തസ്തികകളിലാണ് അവസരം. ആകെ 755 ഒഴിവുകളാണുള്ളത്.. ഏപ്രില്‍ 8 വരെ അപേക്ഷിക്കാം.

നഴ്സിങ് ഓഫീസര്‍-600 ഒഴിവ്

ഇന്ത്യന്‍ നഴ്സിങ് കൗണ്‍സിലിന്റെ അംഗീകാരമുള്ള സ്ഥാപനത്തില്‍നിന്ന് ബി.എസ് സി. (ഹോണേഴ്സ്) നഴ്സിങ്/ ബി.എസ് സി. (നഴ്സിങ്)/ ബി.എസ് സി. (പോസ്റ്റ് സര്‍ട്ടിഫിക്കറ്റ്)/ പോസ്റ്റ് ബേസിക് ബി.എസ് സി. നഴ്സിങ് എന്നീ യോഗ്യതയുള്ള ഉദ്യോഗാര്ഥികള്ക്കു അപേക്ഷിക്കാം.സ്റ്റേറ്റ്/ ഇന്ത്യന്‍ നഴ്സിങ് കൗണ്‍സിലില്‍ നഴ്സ് ആന്‍ഡ് മിഡൈ്വഫ് രജിസ്ട്രേഷന്‍. ഇന്ത്യന്‍ നഴ്സിങ് കൗണ്‍സിലിന്റെ അംഗീകാരമുള്ള സ്ഥാപനത്തില്‍നിന്ന് ജനറല്‍ നഴ്സിങ് മിഡൈ്വഫറിയില്‍ ഡിപ്ലോമ. കുറഞ്ഞത് 50 ബെഡ്ഡുകളുള്ള ആശുപത്രിയില്‍ രണ്ട് വര്‍ഷത്തെ മുന്‍പരിചയം ആവശ്യമാണ് .
പ്രായം: 18-30 വയസ്സ്.
ശമ്പളം : 9300-34800 രൂപ, 4600 രൂപ ഗ്രേഡ് പേ.

അസിസ്റ്റന്റ് നഴ്സിങ് സൂപ്രണ്ട് -28
ഇന്ത്യന്‍ നഴ്സിങ് കൗണ്‍സിലിന്റെ അംഗീകാരമുള്ള സ്ഥാപനത്തില്‍നിന്ന് ബി.എസ് സി. നഴ്സിങ്. അല്ലെങ്കില്‍, ബി.എസ് സി. (പോസ്റ്റ് സര്‍ട്ടിഫിക്കറ്റ്), ബി.എസ് സി. (പോസ്റ്റ് ബേസിക്) പോലുള്ള തത്തുല്യം എന്നിവയാണ് യോഗ്യത.
ബിരുദത്തിനുശേഷം കുറഞ്ഞത് 200 ബെഡ്ഡുകളുള്ള ആശുപത്രിയില്‍/ആരോഗ്യ പരിചരണ സ്ഥാപനത്തില്‍ ആറുവര്‍ഷത്തെ പരിചയം ആവശ്യമാണ് . ഇതില്‍ മൂന്ന് വര്‍ഷം വാര്‍ഡ് -ഇന്‍ ചാര്‍ജ്/സൂപ്പര്‍ വൈസര്‍ തലത്തില്‍ ജോലി ചെയ്ത് മുന്‍പരിചയമുള്ളവര്‍ക്ക് അപേക്ഷിക്കാം.

പ്രായം: 25-40 വയസ്സ്.
ശമ്പളം : 15600-39100 രൂപ, 5400 രൂപ ഗ്രേഡ് പേ.

സീനിയര്‍ നഴ്സിങ് ഓഫീസര്‍
ഇന്ത്യന്‍ നഴ്സിങ് കൗണ്‍സിലിന്റെ അംഗീകാരമുള്ള സ്ഥാപനത്തില്‍നിന്ന് ബി.എസ് സി. നഴ്സിങ് അല്ലെങ്കില്‍ ബി.എസ് സി. (പോസ്റ്റ് സര്‍ട്ടിഫിക്കറ്റ്) അല്ലെങ്കില്‍ ബി.എസ് സി. (പോസ്റ്റ് ബേസിക്) എന്നിവയാണ് യോഗ്യത.
സ്റ്റേറ്റ്/ ഇന്ത്യന്‍ നഴ്സിങ് കൗണ്‍സിലില്‍ നഴ്സ് ആന്‍ഡ് മിഡൈ്വഫ് രജിസ്ട്രേഷന്‍. ബിരുദത്തിന് ശേഷം കുറഞ്ഞത് 200 ബെഡ്ഡുകളുള്ള ആശുപത്രിയില്‍/ ആരോഗ്യപരിചരണസ്ഥാപനത്തില്‍ മൂന്ന് വര്‍ഷത്തെ മുന്‍പരിചയം.

പ്രായം: 21-35 വയസ്സ്.
ശമ്പളം : 9300-34800 രൂപ, 4800 രൂപ ഗ്രേഡ് പേ.

വിശദമായ വിവരങ്ങൾക്കും അപേക്ഷാ ഫോമും www.aiimsjodhpur.edu.in എന്ന വെബ്സൈറ്റില്‍ ലഭ്യമാണ്. അപേക്ഷ സ്വീകരിക്കുന്ന അവസാന തീയതി: ഏപ്രില്‍ 8.