പട്ടിക വർഗ വിഭാഗങ്ങൾക്കായി സ്പെഷ്യല് റിക്രൂട്ട്മെന്റ് വഴി നിയമനം നടത്തുമെന്ന് മുഖ്യമന്ത്രി
പട്ടിക വർഗക്കാരുടെ ഉന്നമനം ലക്ഷ്യമിട്ടുകൊണ്ട് കേരള മുഖ്യമന്ത്രി പുതിയ പ്രസ്താവന ഇറക്കി. അതായത്പി എസ് സി അപേക്ഷകളിൽ പട്ടിക വർഗക്കാർക്കായി സ്പെഷ്യൽ റിക്രൂട്ട്മെന്റ് നടത്താനാണ് തീരുമാനം. ക്ലാസ്3, ക്ലാസ്4 തസ്തികകളിലാണ് ഈ സ്പെഷ്യൽ റിക്രൂട്ട്മെന്റ് നടത്തുക. വനത്തിലും വനാതിർത്തിയിലും താമസിക്കുന്ന പട്ടിക വർഗക്കാരെയാണ് ഈ റിക്രൂട്ടിട്മെന്റിന് പരിഗണിക്കുന്നത്. മുൻകാലങ്ങളിൽ ട്രൈബല് വാച്ചര് തസ്തികയിലേക്ക് ഇത്തരത്തിൽ റിക്രൂട്ട്മെന്റ് നടത്തിയിരുന്നു.
പ്രത്യേക ദുര്ബല വിഭാഗത്തില്പ്പെടുന്ന പണിയ, അടിയാന്, കാട്ടുനായ്ക്കന് എന്നീ വിഭാഗങ്ങള്ക്കായി സിവില് എക്സൈസ് ഓഫീസര് തസ്തികയില് സ്പെഷ്യല് റിക്രൂട്ട്മെന്റ് വഴി നിയമനം നടത്താനുള്ള നടപടി പിഎസ് സിയില് പൂര്ത്തിയായി വരുന്നതായും മുഖ്യമന്ത്രി അറിയിച്ചു. ഇതു നടപ്പിലാക്കുക വഴി ഈ വിഭാഗക്കാരുടെ ഉന്നമനം കൂടിയാണ് ലക്ഷ്യം വെക്കുന്നത്. നിയമനത്തിന് മുന്ഗണന ലഭിക്കാന് അര്ഹതയുള്ള വിഭാഗങ്ങളെയും പ്രത്യേക ദുര്ബല വിഭാഗങ്ങളെയും കണ്ടെത്തുന്നതിനും പട്ടികജാതിപട്ടികവര്ഗ വികസന വകുപ്പിനെ ചുമതലപ്പെടുത്തിയിട്ടുണ്ട്.
2018 മെയ് മാസത്തിനു മുമ്പായി മാര്ഗരേഖ തയ്യാറാക്കി സ്പെഷ്യല് റിക്രൂട്ട്മെന്റ് നടപടികള് പൂർത്തിയാക്കണമെന്നും പി എസ് സി യോട് ആവശ്യപ്പെടും. സ്പെഷ്യൽ റിക്രൂട്ട്മെന്റ് നടപ്പിൽ വരുന്നതുവരെ ദിവസ വേതന അടിസ്ഥാനത്തിൽ നിലവിലെ ഒഴിവുകളിലേക്ക് പട്ടികവര്ഗ വിഭാഗത്തില്പ്പെട്ടവര്ക്ക് നിയമനം നല്കാന് 02.03.2018ല് അട്ടപ്പാടിയില് ചേര്ന്ന ഉന്നതതല യോഗത്തില് മുഖ്യമന്ത്രി തീരുമാനമെടുക്കുകയും ചെയ്തിട്ടുണ്ട്.
പട്ടിക വർഗക്കാരുടെ സാമൂഹികവും സാമ്പത്തികവും ആയ ഉന്നമനമാണ് ഇതിലൂടെ ലക്ഷ്യം വെക്കുന്നത്.
https://www.facebook.com/Malayalivartha