സാംസ്കാരിക വകുപ്പിന്റെ കീഴില്‍ ആറന്‍മുളയില്‍ പ്രവര്‍ത്തിക്കു വാസ്തുവിദ്യ, ചുമര്‍ചിത്ര സംരക്ഷണ കേന്ദ്രമായ വാസ്തുവിദ്യാ ഗുരുകുലം വിവിധ കോഴ്സുകളിലേക്ക് അപേക്ഷ ക്ഷണിച്ചു.
സിവില്‍/ ആര്‍ക്കിടെക്ചര്‍ ബിരുദധാരികള്‍ക്ക് പങ്കെടുക്കാവുന്ന പോസ്റ്റ് ഗ്രാഡ്വേറ്റ് ഡിപ്ലോമ കോഴ്സ് ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്സ് പ്രാക്ടീസിംഗ് ആര്‍ക്കിടെക്റ്റ്സിനും എന്‍ജിനീയേര്‍സിനും പങ്കെടുക്കാൻ പറ്റുന്നതാണ്.മാസത്തിൽ രണ്ടു ക്ലാസ്സുകൾ ആണുള്ളത്.
വാസ്തുവിദ്യയുടെ ആധാര ഗ്രന്ഥങ്ങളെ അവലംബമാക്കി ശാസ്ത്രീയ രൂപത്തില്‍ തയ്യാര്‍ ചെയ്ത സിലബസിനെ ആടിസ്ഥാനപ്പെടുത്തിയാണ് ക്ലാസുകള്‍ കൈകാര്യം ചെയ്യുത്. അഞ്ച് പേപ്പറുകളായി തിരിച്ചിരിക്കു ഈ കോഴ്സില്‍ ഒരു പേപ്പര്‍ പ്രവൃത്തി പരിചയവും പ്രോജക്‌ട് രൂപീകരണവുമാണ്. കോഴ്സ് ഫീസ് 20,000 . ആകെ സീറ്റുകളുടെ എണ്ണം 25. പ്രവേശന പരീക്ഷയുടെയും ഇന്റര്‍വ്യൂവിന്റെയും അടിസ്ഥാനത്തിലായിരിക്കും അഡ്മിഷന്‍. അപേക്ഷാഫീസ് 200.
പാരമ്പര്യ ചുമര്‍ചിത്ര സങ്കേതമായ ചുമര്‍ചിത്ര രചനയില്‍ തല്‍പരരായ വ്യക്തികള്‍ക്ക് ഒരു വര്‍ഷം ദൈര്‍ഘ്യമുള്ള ഹ്രസ്വകാല ചുമര്‍ചിത്ര രചനാ കോഴ്സിലേക്ക് അപേക്ഷിക്കാം. കോഴ്സ് ഫീസ് 15000 ജി.എസ്.റ്റി. ആകെ സീറ്റുകളുടെ എണ്ണം 25. കുറഞ്ഞത് എസ്.എസ്.എല്‍.സി അടിസ്ഥാന വിദ്യാഭ്യാസ യോഗ്യതയുള്ള 17 വയസ്സിന് മുകളില്‍ പ്രായമുള്ളവരെ കോഴ്സിലേക്ക് പരിഗണിക്കും. അഭിരുചി പരീക്ഷയുടെ അടിസ്ഥാനത്തിലായിരിക്കും അഡ്മിഷന്‍. അപേക്ഷാഫീസ് 200.
വിശ്വകര്‍മ്മ സമുദായത്തിലെ എസ്.എസ്.എല്‍.സി പാസായ 30 വയസ്സില്‍ താഴെയുള്ള ചെറുപ്പക്കാര്‍ക്കായി സംവിധാനം ചെയ്തിരിക്കുന്ന ഒരു വര്‍ഷ സർട്ടിഫിക്കറ്റ് കോഴ്സിന്റെ ഫീസ് 5000 രൂപയാണ് . ആകെ സീറ്റുകളുടെ എണ്ണം 20. അപേക്ഷാഫീസ് 100.
പ്രോസ്‌പെക്ടസും അപേക്ഷാ ഫോമും തപാലില്‍ ലഭിക്കുന്നതിന് അപേക്ഷാ ഫീസ് ആറന്മുളള പോസ്റ്റ് ഓഫീസില്‍ മാറ്റാവുന്ന പോസ്റ്റല്‍ ഓര്‍ഡര്‍/മണിയോര്‍ഡര്‍ എക്‌സിക്യൂട്ടീവ് ഡയറക്ടര്‍, വാസ്തു വിദ്യാ ഗുരുകുലം, ആറന്മുള, പിന്‍ 689533. പത്തനംതിട്ട ജില്ല എന്ന വിലാസത്തില്‍ അയക്കണം.www.vastuvidyagurukulam.com എന്ന വെബ്‌സൈറ്റില്‍ നിന്നും അപേക്ഷാ ഫോം ഡൗലോഡ് ചെയ്ത് പൂരിപ്പിച്ച് സാക്ഷ്യപ്പെടുത്തിയ ആവശ്യമായ രേഖകളും അപേക്ഷാഫീസ് പോസ്റ്റല്‍ ഓര്‍ഡറും സഹിതം അയക്കുകയും ആകാം. അപേക്ഷ ലഭിക്കേണ്ട അവസാന തീയതി ഏപ്രില്‍ 25.