കേരള വാട്ടർ അതോറിറ്റിയിൽ ഒരു വർഷത്തെ കരാർ അടിസ്ഥാനത്തിൽ നിലവിലുള്ള ഒഴിവുകളിലേക്ക് അപേക്ഷ ക്ഷണിച്ചു. പ്രൊജക്റ്റ് എൻജിനീയറുടെ 23 ഉം സൂപ്പർവൈസറുടെ 44 ഉം ഒഴിവുകളിലേക്കാണ് നിയമനം നടത്തുന്നത്. രണ്ടു തസ്തികകൾക്കും 30 വയസ്സാണ് പ്രായപരിധി നിശ്ചയിച്ചിരിക്കുന്നത്.
പ്രൊജക്റ്റ് എഞ്ചിനീയർ യോഗ്യത: 65 % മാർക്കിൽ കുറയാതെ അഥവാ തത്തുല്യ സി ജി പി എ (6 .5) സിവിൽ എഞ്ചിനീയറിംഗ് ബിരുദം. എഴുത്തു പരീക്ഷയുടെയും ഇന്റർവ്യൂ വിന്റേയും അടിസ്ഥാനത്തിൽ ആണ് തിരഞ്ഞെടുപ്. ശമ്പളം 32,500 രൂപ.
പ്രൊജെക്ട് സൂപ്പർവൈസർ യോഗ്യത: 65 % മാർക്കിൽ കുറയാതെ അഥവാ തത്തുല്യ സി ജി പി എ (6 .5) ത്രിവത്സര എഞ്ചിനീയറിംഗ് ഡിപ്ലോമയും എം എസ് പ്രൊജെക്ട് എം എസ് ഓഫീസ് എന്നിവയിൽ പരിജ്ഞാനം ഉണ്ടായിരിക്കണം. സമാന മേഖലയിൽ ഒരു വർഷത്തെ പ്രവർത്തി പരിചയം ആവശ്യമാണ്.
എഴുത്തു പരീക്ഷയുടെ അടിസ്ഥാനത്തിൽ ആണ് നിയമനം നടത്തുന്നത്. ശമ്പളം 19,850 രൂപ.
ബയോഡാറ്റയോടൊപ്പം വയസ്, യോഗ്യത, പ്രായം എന്നിവ തെളിയിക്കുന്ന അറ്റസ്റ്റ് ചെയ്ത കോപ്പിയോടൊപ്പമാണ് അപേക്ഷിക്കേണ്ടത്.
അപേക്ഷിക്കേണ്ട അവസാന തീയതി മാർച്ച് 26 ആണ്. താഴെ കാണുന്ന വിലാസത്തിലാണ് അപേക്ഷ അയക്കേണ്ടത്.
വിലാസം: ചീഫ് എൻജിനീയർ(HRD & GL), കേരള വാട്ടർ അതോറിറ്റി, ജലഭവൻ, വെള്ളയമ്പലം, തിരുവനന്തപുരം–33.