കേന്ദ്ര സർക്കാരിന് കീഴിലുള്ള പൊതുമേഖലാ ടെലികോം കമ്പനിയിയായ ഐ.ടി.ഐ പാലക്കാട് പ്ലാന്റിലേക്കു കരാർ അടിസ്ഥാനത്തിൽ എൻജിനീയറിങ്ങുമാരെ നിയമിക്കുന്നു. 10 ഒഴിവുകളാണ് റിപ്പോർട്ട് ചെയ്‌തിട്ടുള്ളത്.

മൂന്ന് വർഷത്തേക്കായിരിക്കും നിയമനം. ആദ്യ വർഷം 15000 രൂപയും രണ്ടാം വർഷം 16000 രൂപയും മൂന്നാം വർഷം 17000 രൂപയും ശമ്പളം ലഭിക്കും.

യോഗ്യത: ഇലക്ട്രോണിക്സ് ആൻഡ് കമ്മ്യൂണിക്കേഷൻ/ മെക്കാനിക്കൽ/ ഇലെക്ട്രിക്കൽ ആൻഡ് ഇലക്ട്രോണിക്സ്/ ഇലക്ട്രോണിക്സ് ആൻഡ് ഇൻസ്‌ട്രുമെന്റഷന് എൻജിനിയറിങ്ങിൽ ബിരുദം.

ജനറൽ, ഒ.ബി.സി.വിഭാഗക്കാർ കുറഞ്ഞത് 60 ശതമാനം മാർക്കോടെയും എസ്.സി., എസ്.ടി . വിഭാഗക്കാരും അംഗപരിമിതരും 50 ശതമാനം മാർക്കോടെയും പാസായിരിക്കണം.

പ്രായം: 28 വയസിൽ കൂടരുത്. എസ്.സി., എസ്.ടി വിഭാഗക്കാർക്ക് അഞ്ചു വർഷത്തെയും ഒ.ബി.സിക്കാർക്ക് മൂന്നു വർഷത്തേയും ഇളവ് ലഭിക്കും.

അപേക്ഷിക്കേണ്ട വിധം: അപേക്ഷാഫോം www.itiltd-india.com എന്ന വെബ്‌സൈറ്റിൽ ലഭിക്കും. സർട്ടിഫിക്കറ്റുകളുടെയും മാർക്ക് ഷീറ്റിന്റെയും സ്വയം സാക്ഷ്യപ്പെടുത്തിയ പകർപ്പുകൾ സഹിതമാണ് അപേക്ഷിക്കേണ്ടത്.

വിലാസം:
DY.GENERAL MANAGER (HR ),
ITI LIMITED,
PALAKKAD