ഓയിൽ ആൻഡ് നാച്വറൽ ഗ്യാസ് കോർപ്പറേഷൻ ലിമിറ്റഡിൽ E1ലെവൽ എക്സിക്യൂട്ടീവ്, അസിസ്റ്റന്റ് ലീഗൽ അഡ്വൈസർ തസ്തികകളിലെ ഒഴിവുകളിലേക്ക് അപേക്ഷ ക്ഷണിക്കുന്നു . രണ്ടു വ്യത്യസ്ത വിജ്ഞാപനങ്ങളാണ്.

E 1 ലെവൽ എക്സിക്യൂട്ടീവ് നെറ്റ് 2018 യോഗ്യതയുള്ളവർക്ക് അവസരം

E1ലെവൽ എക്സിക്യൂട്ടീവ് ഒഴിവുകളിലേക്ക് യുജിസി നെറ്റ്-2018 അടിസ്ഥാനമാക്കിയാണു നിയമനം.ഒഴിവുകളുടെ എണ്ണം പിന്നീട് പ്രസിദ്ധീകരിക്കും. ഏപ്രിൽ ആറു മുതൽ ഓൺലൈനായി
അപേക്ഷിക്കാം.അപേക്ഷ സ്വീകരിക്കുന്ന അവസാന തീയതിഏപ്രിൽ 27നാണ് .
ഹ്യൂമൻ റിസോഴ്സ് എക്സിക്യൂട്ടീവ്, ഫിനാൻസ് ആൻഡ് അക്കൗണ്ട്സ് ഓഫിസർ, ഒഫീഷ്യൽ ലാംഗ്വേജ് ഓഫിസർ എന്നിവയാണു തസ്തികകൾ.

എച്ച്ആർ എക്സിക്യൂട്ടീവ്:
കുറഞ്ഞത് 60% മാർക്കോടെ പേർസണൽ മാനേജ്മെന്റ്/എച്ച്ആർഡി/എച്ച്ആർഎം സ്പെഷ്യലൈസേഷനോടെ എംബിഎ അല്ലെങ്കിൽ കുറഞ്ഞത് 60% മാർക്കോടെ പേർസണൽ മാനേജ്മെന്റ്/ഐആർ/ലേബർ വെൽഫയറിൽ പോസ്റ്റ് ഗ്രാജുവേറ്റ് ബിരുദം അല്ലെങ്കിൽ കുറഞ്ഞത് 60% മാർക്കോടെ പിഎം/ഐആർ/ലേബർ വെൽഫയറിൽ കുറഞ്ഞത് രണ്ടു വർഷത്തെ ഫുൾ ടൈം പിജി ഡിപ്ലോമ.

യുജിസി നെറ്റ് സബ്ജക്ട്-ലേബർ വെൽഫയർ/പഴ്സനൽ മാനേജ്മെന്റ്/ ഇൻഡസ്ട്രിയൽ റിലേഷൻസ്/ലേബർ ആൻഡ് സോഷ്യൽ വെൽഫയർ/ഹ്യൂമൻ റിസോഴ്സ് മാനേജ്മെന്റ് (സബ്ജക്ട് കോഡ്-55) അല്ലെങ്കിൽ മാനേജ്മെന്റ് (സബ്ജക്ട് കോഡ്-17)

എഫ് ആൻഡ് എ ഒാഫിസർ:
കുറഞ്ഞത് 60% മാർക്കോടെ ഫിനാൻസ് സ്പെഷ്യലൈസേഷനിൽ എംബിഎ

യുജിസി നെറ്റ് സബ്ജക്ട്-മാനേജ്മെന്റ് (സബ്ജക്ട് കോഡ്-17).

ഒഫീഷ്യൽ ലാംഗ്വേജ് ഓഫിസർ:
കുറഞ്ഞത് 60% മാർക്കോടെ ഹിന്ദിയിൽ പിജി. ബിരുദത്തിന് ഇംഗ്ലിഷ് ഒരു വിഷയമായി പഠിച്ചിരിക്കണം. ട്രാൻസ്‌ലേഷനിൽ പ്രവൃത്തി പരിചയമുള്ളവർക്ക് മുൻഗണന.
യുജിസി നെറ്റ് സബ്ജക്ട്-ഹിന്ദി (സബ്ജക്ട് കോഡ്-20).

നിബന്ധനകൾക്കു വിധേയമായി അവസാന സെമസ്റ്റർ വിദ്യാർഥികൾക്കും  അപേക്ഷിക്കാം.

പ്രായപരിധി:
ഒഫീഷ്യൽ ലാംഗ്വേജ് ഓഫിസർ:-ജനറൽ–30 വയസ്, എസ്‌ടി–35, വിമുക്തഭടൻ-35, ഭിന്നശേഷിക്കാർ-40.
മറ്റു തസ്തികകൾക്ക്: ജനറൽ–30 വയസ്, ഒബിസി – 33, എസ്‌സി/എസ്‌ടി–35, വിമുക്തഭടൻ-35, ഭിന്നശേഷിക്കാർ-40.
2018 ജനുവരി ഒന്ന് അടിസ്‌ഥാനമാക്കി പ്രായം കണക്കാക്കും.

ശമ്പളം: 60000-180000 രൂപ.

യോഗ്യതാ പരീക്ഷയിലെ മാർക്ക്, 2018 യുജിസി-നെറ്റ് സ്കോർ, ഇന്റർവ്യൂ എന്നിവ അടിസ്‌ഥാനമാക്കിയാണു ഉദ്യോഗാർത്ഥികളെ തെരഞ്ഞെടുക്കുക

അപേക്ഷിക്കേണ്ട വിധം:
രണ്ടു ഘട്ടമായി അപേക്ഷിക്കാം. ആദ്യ ഘട്ടത്തിൽ യുജിസി നെറ്റിനു (www.cbsenet.nic.in) റജിസ്റ്റർ ചെയ്യണം. യുജിസി നെറ്റ് റജിസ്ട്രേഷൻ/റോൾ നമ്പർ ഉപയോഗിച്ച് ഒഎൻജിസിയുടെ വെബ്സൈറ്റു (www.ongcindia.com) വഴി രണ്ടാംഘട്ട അപേക്ഷ സമർപ്പിക്കാം. 2018 ജൂലൈ എട്ടിനു നടക്കുന്ന നെറ്റ് പരീക്ഷയ്ക്ക് ഏപ്രിൽ അഞ്ചു വരെ ഒാൺലൈനായി അപേക്ഷിക്കാം.

വിശദവിവരങ്ങൾക്ക്: www.ongcindia.com

അസിസ്റ്റന്റ് ലീഗൽ അഡ്വൈസർ തിരഞ്ഞെടുപ്പ് ക്ലാറ്റ്-2018 വഴി

ഓയിൽ ആൻഡ് നാച്വറൽ ഗ്യാസ് കോർപ്പറേഷൻ ലിമിറ്റഡിൽ അസിസ്റ്റന്റ് ലീഗൽ അഡ്വൈസർ        ( E1ലെവൽ) ഒഴിവുകളിലേക്കും അപേക്ഷിക്കാം. 15 ഒഴിവുകളാണുള്ളത്. ക്ലാറ്റ്-2018 (എൽഎൽഎം) വഴിയാണു നിയമനം. മേയ് 23 മുതൽ ജൂൺ 21 വരെ ഒാണ്‍ലൈനായി അപേക്ഷിക്കാം. തീയതികളിൽ മാറ്റം വരാം.

യോഗ്യത: കുറഞ്ഞത് 60% മാർക്കോടെ ലോ (പ്രഫഷനൽ) ബിരുദം. അഡ്വക്കേറ്റ് ആയി മൂന്നു വർഷത്തെ പ്രവൃത്തിപരിചയമുള്ളവർക്ക് മുൻഗണന. നിബന്ധനകൾക്കു വിധേയമായി അവസാന സെമസ്റ്റർ വിദ്യാർഥികൾക്കും, അപേക്ഷിക്കാം.

പ്രായപരിധി:ജനറൽ–30 വയസ്, ഒബിസി – 33, എസ്‌സി/എസ്‌ടി–35. വിമുക്തഭടൻ-35, ഭിന്നശേഷിക്കാർ-40
2018 ജനുവരി ഒന്ന് അടിസ്‌ഥാനമാക്കി പ്രായം കണക്കാക്കും.

ശമ്പളം: 60000-180000 രൂപ.

തിരഞ്ഞെടുപ്പ്: യോഗ്യതാ പരീക്ഷയിലെ മാർക്ക്, ക്ലാറ്റ്-2018 സ്കോർ, ഇന്റർവ്യൂ എന്നിവ അടിസ്‌ഥാനമാക്കിയാണു തിരഞ്ഞെടുപ്പ്.

അപേക്ഷിക്കേണ്ട വിധം: രണ്ടു ഘട്ടമായി അപേക്ഷിക്കാം. ആദ്യ ഘട്ടത്തിൽ ക്ലാറ്റ്-2018 ന് റജിസ്റ്റർ ചെയ്യണം. 2018 മേയ് 13 ന് നടക്കുന്ന ക്ലാറ്റ് പരീക്ഷയുടെ കൂടുതൽ വിവരങ്ങൾക്ക് www.clat.ac.in എന്ന വെബ്സൈറ്റ് കാണുക. ഈ റജിസ്ട്രേഷൻ നമ്പർ ഉപയോഗിച്ച് ഒഎൻജിസിയുടെ വെബ്സൈറ്റു (www.ongcindia.com) വഴി രണ്ടാംഘട്ട അപേക്ഷ സമർപ്പിക്കാം.

ജനറൽ, ഒബിസി ഉദ്യോഗാർഥികൾ 300 രൂപ റജിസ്ട്രേഷൻ ഫീസായി അടയ്ക്കണം. സ്റ്റേറ്റ് ബാങ്ക് ഒാഫ് ഇന്ത്യയുടെ ഏതെങ്കിലും ബ്രാഞ്ചിലൂടെ ചലാൻ വഴി ഫീസടയ്ക്കാം. എസ്‌സി/എസ്ടി/ ഭിന്നശേഷിക്കാർ എന്നിവർക്ക് റജിസ്ട്രേഷൻ ഫീസില്ല.

വിശദവിവരങ്ങൾക്ക്: www.ongcindia.com